James 1:14 - Chuukese Bible

¹⁴ Nge eman me eman aramas a tori sosotun ren püsin an mochenia mi atekini o pani letipan.

James 1:14 Iomraidhean Croise

Keneses 3:6

Nge lupwen ewe fefin a nenengeni ewe irä, a mefi pwe a mürina le mongö o apwapwai aramas le katol, a pwal aüchea ren an afisätä tipachem. Iei popun ewe fefin a angei uän ewe irä o mongö. Mürin a ngeni pwülüan we, iwe, a pwal mongö.

Keneses 6:5

Iwe, ewe Samol mi Lapalap a küna pwe än aramas föföringau a fokun wattela won fanüfan, nge ekiekin leluker a chök ngauala fansoun meinisin.

Keneses 8:21

Nge lupwen ewe Samol mi Lapalap a tini pwoöchün ewe asor, a ekieki lon lelukan, “Üsap chüen anümamaua fanüfan pokiten aramas. Üa silei pwe ekiekin leluken aramas a ngau seni lekisikisin. Üsap chüen arosala mönümanau meinisin, usun üa piin föri.

2. Samuel 11:4

Iei mine Tafit a tinala chon künö pwe repwe angei Patsipa. Iwe, neminewe a feito ren Tafit, nge Tafit a kon ren. Lon ewe otun neminewe a kärän wes seni an limelim seni an samaun fefin. Mürin, a liwiniti imwan.

Hiop 31:27

pwe lelukei a tokola lemonomon, pwe üa asamoluur ren ai tinala ai kapongen menin ngeniir?

Hiop 31:9

Are üa mocheniaiti pwülüen chon ari, ika üa operi lükün asamen imwan,

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Aisea 44:20

Ei sokun aramas a wewe ngeni eman mi mongö falangen ekkei pwe epwe manau ren. Iwe, ren ekiekin letipan mi rikirik a tokola pwe esap tongeni püsin angasa, esap pwal aisini, “Ifa usun, esap och minen atuputup mine üa amwöchü lepei?”

Osea 13:9

Üpwe afeiengauakemi, ämi chon Israel, pun oua ü ngeniei ngang ewe chon alisikemi.

Mateus 15:18

Nge ekewe mettoch mi towu seni lon awan ra pop seni lelukan, ina mine a alimengaua eman aramas.

Mateus 15:20

Ikkei ekewe mettoch ra alimengaua eman aramas. Nge än eman epwe mongö, nge esap mwo talü pöün, esap limengau ren.”

Mateus 4:1

Iwe, mürin Ngünmifel a emwenala Jesus lon ewe fanüapö pwe epwe küna sosot me ren Tefil.

Mateus 5:28

Nge ngang üpwe ürenikemi: Are eman mwän a nenengeni eman fefin o a mochenia ngeni, ätewe a fen tipisin lisowu ngeni ren an ekieki neminewe lon lelukan.

Nöün Paulus Toropwe ngeni ekewe Souläng lon Rom 7:11

Tipis a küna eu fansoun mi fich, o ren ewe allük tipis a atupuei o nieila.

Nöün Paulus Toropwe ngeni ekewe Souläng lon Rom 7:13

Met wewen ei? Epwe wewen pwe mine a mürina a aworato ai mäla? Apwi, esap fokun ina! Tipis a föri ei. Ren an aea mine a mürina, tipis a aworato mäla ngeniei, pwe epwe pwäpwäla wesewesen lapalapen tipis. Iei usun ren ewe allük a pwäla pwe tipis a fokun ngau.

Efisos 4:22

Iei mine oupwe likitätiu ekewe föför oua föföri lupwen oua manaueni ewe manauen lom, iei ewe manau a katala ren an kewe mochenia mi atuputup.

Ipru 3:13

Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

James 1:13

Are eman aramas a tolong lon sosot, esap fokun apasa, “Ei sosot a feito seni Kot.” Pun Kot esap tongeni küna sosotingau, i esap pwal sotuningauei eman.

James 1:15

Iwe, are än eman mochenia a liapeni letipan, a fis an tipis, nge are an tipis a unusela, a fis an mäla.