James 1:10 - Chuukese Bible

¹⁰ Nge eman souläng mi pisekisek epwe fokun pwapwa lupwen Kot epwe atekisonatiu. Pun ekewe chon pisekisek repwe mwor usun epö pön irän lemäl a mworotiu.

James 1:10 Iomraidhean Croise

Hiop 14:2

A märitä usun chök epö pön irä, nge a pwal pwasala. Manauan a süla usun eu nür, nge esap nonomola.

Kölfel 102:11

Ränin manauei ra usun chök nürün och mettoch lekuniol, üa aiolol usun fetil.

Kölfel 103:15

Iwe, ränin manauen aramas a wewe ngeni fetil, a sol usun epö pöön irän lemäl.

Kölfel 37:2

Pun repwe pwasekai usun fetil, repwe pwal mäla usun pötöwöl mi pwasala.

Kölfel 39:6

Ellet, aramas ra usun chök ngünüen mettoch. Meinisin mine ra anganga esap wor lomotan. Aramas ra achukuchukätä wöür, nge resap silei iö epwe angei me mürin.

Aisea 40:6

A wor eu möngüngü a apasa, “Kopwe kökkö!” Nge üa ais, “Met üpwe üra le kökkö?” Kopwe kökkö pwe aramas meinisin ra wewe ngeni fetil, nge linger meinisin a wewe ngeni pön irän lemäl.

Aisea 40:7

Lupwen enienin ngasangasen ewe Samol mi Lapalap a enitiir, ewe fetil a pwasala, ewe pön irä a morotiu. Ellet, aramas meinisin ra chök wewe ngeni fetil.

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Mateus 5:3

“Ra feiöch chon silei pwe ra wöüngau lon pekin ngünür, pun ir repwe mwüni Mwün Läng.

Mateus 6:30

Are iei usun än Kot aüfa ekewe fetilin lemäl, fetil mi wor ikenai, nge lesor epwe koturulong lon um, ifa usun, Kot esap fokun aüföüfakemi lap seniir? Ämi oua lükülük kisikis!

1. Korint 7:31

nge chokewe mi aea mettochun fanüfan repwe usun itä nge resap aea. Pun lapalapen ei fanüfanen ikenai epwe morola.

Filipi 3:8

Nge sap ikei chök. Ngang üa ekieki pwe mettoch meinisin ra fokun aücheangau fän iten ewe eu mi fokun aüchea seni meinisin, iei ai silei Kraist Jesus ai Samol. Pun fän itan üa pöütala meinisin, üa ekieki pwe meinisin ra usun chök pipi lon lenien koturula, pwe üpwe eäni Kraist

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.

James 4:14

Ämi ousap fen mwo nge silei met epwe fis ngeni manauemi lesor. Pun manauemi a usun chök eu ötüöt mi pwä lon ekis chök fansoun mochomoch, mürin esap chüen nom.

1. Petrus 1:24

Pun iei usun mine a mak lon ekewe Toropwe mi Pin, “Aramas meinisin ra wewe ngeni fetil, nge linger meinisin ra wewe ngeni pön irä. Ewe fetil a pwasala, nge ekewe pön irä ra mworotiu.

1. Johannes 2:17

Iwe, fanüfan me mettochun lon aramas ra kon mochenia ngeni repwe morola, nge iö a föri letipen Kot epwe manau tori feilfeilachök.