James 1:1 - Chuukese Bible

¹ Ngang James, eman nöün Kot me ach Samol Jesus Kraist chon angang, üa kapong ngeni ekewe engol me ruu ainang mi toropasfeil won unusen fanüfan.

James 1:1 Iomraidhean Croise

1. King 18:31

A angei engol me ruoföü fau ükükün iteiten ekewe engol me ruu ainang mi iteni iten nöün Jakop kewe mwän, ätewe ewe Samol mi Lapalap a aita ngeni Israel.

Esra 6:17

Iwe, lon efinünen ei imwen Kot ra eäni asor ükükün ipükü ätemwänin kow, ruupükü ätemwänin sip me föpükü nienifön sip. Nge fän iten chon Israel meinisin ra eäni asoren tipis ükükün engol me ruoman ätemwänin kuuch aükük ngeni iteiten ekewe engol me ruu ainangen Israel.

Ester 3:8

Mürin, Haman a üreni ewe king Asuroworos, “A wor eu mwichen aramas mi toropasfeil lein ekewe aramas lon ekewe sop meinisin mi nom fän nemeniom. Ar allük kana ra sokofesen seni än ekewe lusun aramas allük, resap pwal aleasochis ngeni om kewe allük. Iei mine esap lomot ngonuk en ai king ar repwe manau.

Ekistos 24:4

Nge Moses a makei meinisin alon ewe Samol mi Lapalap. Iwe, a pwätä lesosorusich, a senätä eu rongen asor me fäsonun ewe chuk, pwal engol me ruofoch ürefau fän iten eu me eu ekewe engol me ruu ainangen Israel.

Ekistos 28:21

Iei usun epwe wor engol me ruoföü fau ükükün iteiten nöün Israel kewe mwän. Iwe, iteiten eföü me eföü kewe fau epwe rup iten ekewe engol me ruu ainangen Israel won, nge ewe mak epwe usun chök rupun won ringen pwau.

Ekistos 39:14

Iei usun a wor engol me ruoföü fau aüchea ükükün iteiten nöün Israel kewe mwän. Iwe, iteiten eföü me eföü kewe fau a rup wor iten ekewe engol me ruu ainangen Israel, nge ewe mak a usun chök rupun won ringen pwau.

Isikiel 12:15

Iwe, lupwen üpwe tinirela lein chon ekewe mwü o atoropasafeiliir won ekewe fanü, mürin repwe silei pwe ngang ewe Samol mi Lapalap.

Lifitikos 26:33

Iwe, üpwe awarato maun womi o atoropasafeilikemi lein ekewe mwü. Fanüemi epwe tala, nge ämi kewe telinimw repwe tatakis.

Mateus 10:3

Filip, Partolomeus, Tomas me Mateus ewe chon ioni takises, James nöün Alfäus me Tatäus,

Mateus 13:55

Ifa usun, sap ätei nöün ewe chon kaü imw? Ifa usun, inan esap iteni Maria? Nge sap pwiin kewe James, Josef, Simon me Jutas?

Mateus 19:28

Jesus a üreniir, “Enlet, üpwe ürenikemi, pwe lupwen Nöün Aramas epwe mot lon an lenien motun king mi ling lon fansoun mettoch meinisin repwe försefäl, mürin ämi mi tapwela müri oupwe pwal mot won engol me ruu lenien motun king, pwe oupwe nemeni ekewe engol me ruu ainangen Israel.

Markus 3:18

Andru, Filip, Partolomeus, Mateus, Tomas, James nöün Alfäus, Tatäus, Simon seni Kana,

Lukas 22:30

Oupwe mongö o ün won ai chepel lon mwüi, oupwe pwal mot won ekewe lenien motun king o nemeni ekewe engol me ruu ainangen Israel.

Lukas 6:15

Mateus me Tomas, James nöün Alfäus me Simon i eman Selot,

Johannes 12:26

Iö a mochen angang ngeniei epwe tapweto müri, pun ia ngang üpwe nom ie, ikenan nei chon angang epwe pwal nom ie. Iwe, Semei epwe asamolu chokewe mi angang ngeniei.

Johannes 7:35

Iwe, ekewe nöüwisen chon Juta ra kapasfengen lefiler, “Ia i epwe feila ie, pwe äm aisap tongeni küna? Ifa usun, epwe feila lon ekewe telinimwen chon Krik, ia nöüch aramas ra toropasfeil ie o afalafala ekewe chon Krik?

Föför 1:13

Iwe, lupwen ra tolong lon Jerusalem, ra feitä lon ewe ruum ia ra nonom ie. Ätekewe mi nom lon ei ruum: Petrus, Johannes, James me Andru, Filip me Tomas, Partolomeus me Mateus, James nöün Alfäus, Simon i eman Selot me Jut nöün James.

Föför 12:17

Petrus a älipö ngeniir pwe repwe mosonoson o a apworausa ngeniir usun än ewe Samol emwenawu seni lon ewe imwen fötek. Mürin a üra, “Oupwe asile ngeni James me ekewe chon lükü ei pworaus.” Iwe, a feil seniir o feila lon pwal eu leni.

Föför 15:13

Nge lupwen ar wes le kapas, James a apasa, “Ämi pwii kana, oupwe aüseling ngeniei.

Föför 15:21

Pun än Moses kewe Allük a fen alea fän chomong lon ekewe imwen felikis iteiten ränin sapat, nge an kewe kapas ra afalafala lon ekewe telinimw meinisin.”

Föför 15:23

Iei masouen ewe toropwe ra tini ngeniir: “Äm pwimi kewe soukünö me souakom, aia tinala äm kapong ngeni ämi pwiim kana meinisin chon lükün Israel mi nom lon Antiokia, Siria me Silisia.

Föför 2:5

A wor chon Juta mi niuokusiti Kot, ra nom lon Jerusalem, ra feito seni ekewe fanü meinisin won fanüfan.

Föför 21:18

Sorotän ewe rän, Paulus a etikem le feila churi James. Iwe, ekewe souakomwen mwichefel meinisin ra pwal nom.

Föför 23:26

“Ngang Klautius Lisias üa kapong ngeni en ämäfen kepina Feliks:

Föför 26:7

ewe chök pwon aramasach kewe seni ekewe engol me ruu ainang ra apilükülükü pwe repwe angei lupwen ra fel ngeni Kot lerän me lepwin. Iwe, ämäfen king, pokiten ei apilükülük ekewe chon Juta ra atipisiei ren.

Föför 8:1

Iwe, Saul a fokun tipeeu ngeni ar niela Stefanus. Lon ena chök rän chon ewe mwichefel lon Jerusalem ra tolong lon watten riaföü. Ekewe souläng meinisin ra toropasfeil lon unusen ewe fanü Jutea me Samaria, chilon chök ekewe soukünö.

Nöün Paulus Toropwe ngeni ekewe Souläng lon Rom 1:1

Ngang Paulus, eman chon angangen Kraist Jesus, üa kö pwe üpwe eman soukünö mi imwüla fän iten ai üpwe arongafeili än Kot we Pworausen Manau.

Kalatia 1:19

Üsap küna pwal eman ekewe soukünö, chilon chök James pwiin ach Samol.

Kalatia 2:12

Pun me mwen ekoch mwän, James a tiniirela, resamwo tori Antiokia, Petrus a momongöfengen me ekewe soulängin chon lükün Israel. Nge lupwen an ekei mwän war, Petrus a ütä seniir o esap chüen etiir le mongö, pun a niuokusiti ätekewe mi apasa pwe ekewe chon lükün Israel repwe sirkomsais.

Kalatia 2:9

Iwe, James, Petrus me Johannes, ir ekewe ürelapen mwichefel, ra mefi pwe Kot a ngeniei ei wis. Iei mine ra kapong won pöür ngenikem me Parnapas, iei ewe asisil pwe sia tipeeufengen lon ach angang. Ra tipeeu ngeni pwe Parnapas me ngang aipwe angang lein ekewe chon lükün Israel, nge ir repwe angang lein ekewe chon Juta.

Tuteronomi 28:64

Mürin, ewe Samol mi Lapalap epwe atoropasafeilikemi lein chon ekewe mwü meinisin seni esopun fanüfan tori esopun. Ikenan oupwe angang ngeni pwal ekoch kot mi för seni mwüch me fau, ämi me ämi kewe lewo ousap sileer me mwan.

Tuteronomi 30:3

mürin, ewe Samol mi Lapalap ämi we Kot epwe afeiöchüsefälikemi o eäni tong ngenikemi. Iwe, epwe achusefälikemi seni lein ekewe aramas, ia ämi we Kot a atoropasafeilikemi ie.

Tuteronomi 32:26

Pwüngün ai ekiek pwe üpwe aroserela, pwe esap wor eman epwe chüen chechemeniir.

Tuteronomi 4:27

Iwe, ewe Samol mi Lapalap epwe atoropasafeilikemi lein chon ekewe mwü, nge ekoch echök me leimi repwe manau lon ekewe fanü ia ewe Samol mi Lapalap epwe asükemiila ie.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

2. Timoty 4:21

Kopwe achocho ngeni om kopwe feito rei mwen lefen. Eupulus, Putens, Linus me Klautia ra kapong ngonuk, pwal pwiich kewe souläng meinisin ra kapong ngonuk.

Titus 1:1

Kapong seni ngang Paulus, eman nöün Kot chon angang me eman nöün Jesus Kraist soukünö. Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.

1. Petrus 1:1

Ngang Petrus nöün Jesus Kraist we soukünö, üa kapong ngeni nöün Kot kewe aramas mi fil, ir choisä mi toropasfeil lon ekewe fanü Pontus, Kalatia, Kapatosia, Asia me Petinia.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

Jutas 1:1

Ngang Jut, eman chon angang ngeni Jesus Kraist, ngang pwal pwiin James, üa kapong ngeni chokewe mi kö o chen me ren Samach Kot o nom fän tümwünüen Jesus Kraist.

Pwärätä 7:4

Iwe, üa rongorong pwe iteiten chokewe mi pwau won chamwer ükükün ipükü faik me rüanüngeröü, ir seni ekewe ainangen Israel meinisin.