Ipru 9:9 - Chuukese Bible

⁹ Iei eu lios fän itach ikenai. Wewen pwe ekewe sokopaten asor me ekewe asoren man aramas ra uwato pwe ar asor ngeni Kot, resap tongeni aunusöchüela letipen chokewe mi fel ngeni Kot.

Ipru 9:9 Iomraidhean Croise

Nöün Paulus Toropwe ngeni ekewe Souläng lon Rom 5:14

Nge seni ewe fansoun Atam tori fansoun Moses, mäla a nemeni aramas meinisin, pwal mwo nge chokewe resap tipis usun Atam lupwen a aleasolap ngeni än Kot we allük. Atam a aliosunätä ewe eman epwe war me mürin.

Kalatia 3:21

Iwe, ifa usun, wewen ei pwe ekewe Allük ra ü ngeni än Kot kewe pwon? Apwi, esap fokun ina! Pun are aramas ra angei eu allük mi atoto manau, mürin ir meinisin repwe tongeni küna pwüng me ren Kot ren ar aleasochis ngeni ei allük.

Ipru 10:11

Ekewe souasor meinisin ra föri ar angang iteiten rän o eäni asor ekewe chök sokun asor fän chomong. Nge ekei asor resap tongeni amorala än aramas tipis.

Ipru 11:19

Apraham a apilükülükü pwe Kot a tongeni amanauasefäli Isaak seni mäla. Iwe, sia tongeni apasa, pwe Apraham a angesefäli Isaak seni mäla.

Ipru 5:1

Iwe, iteiten souasor mi lap a kefilitä me lein aramasan, a angei wisan an epwe angang ngeni Kot fän iten ekewe aramas, pwe epwe föri angangen asor o föri ekewe asoren tipis.

Ipru 7:11

Kot a ngeni ekewe aramasen Israel ekewe Allük, nge ra longolong won angangen ekewe souasor, ir mwirimwirin Lefi. Iwe, are angangen ekewe souasor, ir mwirimwirin Lefi, epwe unusöch, esap wor lomoten än pwal eman souasor epwe wareto seni lon tettelin Melkisetek, nge sap eman seni lon tettelin Aaron.

Ipru 8:4

Ika i epwe nonom won fanüfan, esap fokun wiseni ewe wisen souasor, pun mi wor souasor ra eäni asor ekewe lifang fän pwüngün än ekewe chon Juta allük.

Ipru 9:24

Pun Kraist esap tolong lon eu Leni mi Pin aramas ra föri, ewe mi chök aliosunätä ewe wesewesen Leni mi Pin. Nge a tolong lon läng o a nonom mwen mesen Kot iei fänäsengesich.

1. Petrus 3:21

Ei koluk eu liosun papatais mi amanauakemi iei. Esap limetala pwülün inis, nge eu pwon ngeni Kot oua eäni seni eu mwelien letipemi mi limöch. Iwe, a amanauakemi ren än Jesus Kraist manausefäl,