Ipru 9:7 - Chuukese Bible

⁷ Nge ewe Souasor mi Lap echök a tolong lon ewe Leni mi Unusen Pin fän eu chök lon eu ier. A uwei chaan ewe mönün asor a eäni asor ngeni Kot fän püsin itan pwal fän iten än ekewe aramas tipis ra föri lon ar chechengau.

Ipru 9:7 Iomraidhean Croise

2. Samuel 6:7

Nge ewe Samol mi Lapalap a song ngeni Usa o niela me ikenan, pun a aitiewu pöün o amwöchü ewe pworofel. Iwe, Usa a mäla ikenan ünükün än Kot we pworofel.

2. Kronika 33:9

Iwe, Manasa a atokala chon Juta me Jerusalem, pwe ra föri mine a ngau lap seni chon ekewe mwü ra föri, ir chokewe ewe Samol mi Lapalap a arosala me mwen ekewe aramasen Israel.

Kölfel 19:12

Nge iö a tongeni mefi iteiten an föför mi mwäl? Kopwe amusa seniei ekewe tipis mi monomon.

Kölfel 95:10

Lon ükükün faik ier üa song ngeni ei täppin aramas o üra, “Ir eu mwichen aramas mi tokola leluker. Resap fokun mochen aleasochisi ai kewe allük.”

Ekistos 30:10

Fän eu lon eu ier Aaron epwe föri ewe angangen elimelima ewe rongen asoren ötüöt ren an tofi ngeni mächän kewe chan ewe mönün asoren amusamusen tipis. Ei epwe fis iteiten ier seni eu täppin aramas tori eu täppin. Ei rongen asoren ötüöt a unusen pin fän itei ngang ewe Samol mi Lapalap.”

Aisea 28:7

Iwe, pwal ekewe souasor me soufos ra kukuul ren wain, ra mwaroro ren sakau. Ra ünümong wain me sakau pwe ra mwaroro o umwesila. Iwe, ekewe soufos ra mwäl lon künaer, ekewe souasor ra pwal mwäl lon ar apwüng.

Aisea 29:14

Iei mine üpwe förisefäli mettoch mi amwarar o amairü lein ekei aramas. Iwe, nöür kewe soutipachem repwe umwesila, nge ekiekin nöür kewe souekiek epwe lomotongau.”

Aisea 3:12

Ät ra ariaföüü nei aramas, nge fefin ra nemeniir. Ämi nei aramas, nöümi souemwen ra emweningauekemi o atokakemiila seni ämi al.

Aisea 9:16

Pun chokewe ra emweni ekei aramas ra atokerela, nge chokewe mi tapwela mürir repwe feiengau.

Osea 4:12

Nei aramas ra angei öüröürer seni esop mwüch, nge wokur a üreniir mine ra mochen silei. Ra likitieila, pun ra fangala inisir ngeni pwal ekoch kot, usun eman fefin a fangala inisin fän iten lisowu.

Lifitikos 16:34

Ei epwe eu allük oupwe apwönüetä fansoun meinisin, pwe epwe fis asoren amusamusen tipis fän eu lon eu ier fän äsengesin aramasen Israel pokiten ar tipis kana.” Iwe, Moses a föri usun mine ewe Samol mi Lapalap a allük ngeni.

Lifitikos 5:18

Iwe, epwe uwato ren ewe souasor eman ätemwänin sip esap wor terin. Nge liwinin ewe mönün asor me reöm epwe usun chök liwinin ewe mönün asoren pupungau. Iwe, ewe souasor epwe föri asoren amusamusen tipis fän iten än ewe aramas föför a chechengau ren, pwe epwe musala.

Amos 2:14

Ätekewe mi müttir le sä resap tongeni sü, ekewe chon pöchökül epwe kisila ar pöchökül, nge ekewe sounfiu resap tongeni püsin amanaueer.

Numperis 15:25

Iwe, ewe souasor epwe föri asoren amusamusen tipis fän iten unusen ewe mwichen chon Israel. Ar föför mi mwäl epwe musala, pun esap fis seni mochenin letiper, ra pwal uwato ar asoren kek ewe Samol mi Lapalap a efich pwoon, me ar asoren tipis.

Efisos 4:18

a rochopwak lon letiper. Resap etikich le manaueni ewe manau mi fö Kot a ngenikich, pun ra fokun tiparoch o tipeförea.

Ipru 10:3

Nge ekewe asor mi fis iteiten ier ra achema ngeni ekewe aramas ar tipis.

Ipru 6:19

Sia eäni ei apilükülüköch usun eu angkö mi allükülük o nüküchar fän iten manauach, a tolong pekilongen ewe cheech mangaku lon ewe imwenfel lon läng o tolong lon ewe leni mi unusen pin.

Ipru 7:27

Nge Jesus esap pwal wewe ngeni ekewe ekoch souasor mi lap. Esap wor lomoten an epwe eäni asor iteiten rän, akom fän iten püsin an tipis, mürin fän iten än ekewe aramas tipis. A eäni eu asor fän eu chök, nge a naf ngeni fansoun meinisin, lupwen a asor püsin inisin.

Ipru 9:3

Pekilongen ewe aruachön cheech mangaku a wor eu leni mi iteni Unusen Pin.