Ipru 9:6 - Chuukese Bible

⁶ Iei usun kokotöchün ekei mettoch meinisin. Ekewe souasor ra tolong lon ewe Leni mi Pin iteiten rän ar repwe föri ar angang.

Ipru 9:6 Iomraidhean Croise

Ekistos 27:21

Iwe, lon ewe imw mangaku ia aramas ra churiei ie, pekiton etippen ewe pworofel Aaron me nöün kewe mwän repwe amolätä ekewe lamp, pwe repwe tittin fän mesen ewe Samol mi Lapalap seni lekuniol tori lesosor. Ei allük epwe pöchökül tori feilfeilachök, seni eu täppin aramasen Israel tori pwal eu täppin.”

Taniel 8:11

Iwe, a püsin atekiai pwe epwe wewe ngeni Samolun ewe mwich, a aükätiu ewe asoren kek mi fis iteiten rän fän iten ewe Samol, a pwal atai imwan mi pin.

Numperis 18:2

Iwe, kopwe pwal emwenato pwiüm kewe chon ewe ainangen Lefi, repwe etuk o alisuk, lupwen ämi me noum kewe mwän oua föri ämi angang lon ewe imwenfel seni mangaku.

Numperis 28:3

Iwe, kopwe üreniir: Iei ewe asor oupwe eäni asor ngeni ewe Samol mi Lapalap. Iteiten rän oupwe chök äkeäni asor ruoman ätemwänin lam eu ieriir esap wor terir.

Nöün Paulus Toropwe ngeni ekewe Souläng lon Rom 9:4

Ir nöün Kot kewe aramas a filiiretä. I a atolongeer lon tettelin nöün o a pwäri ngeniir an ling. I a föri an we pwon ngeniir o ngeniir ekewe Allük. Ra fel ngeni Kot fän pwüng o angei än Kot kewe pwon.

Ipru 7:11

Kot a ngeni ekewe aramasen Israel ekewe Allük, nge ra longolong won angangen ekewe souasor, ir mwirimwirin Lefi. Iwe, are angangen ekewe souasor, ir mwirimwirin Lefi, epwe unusöch, esap wor lomoten än pwal eman souasor epwe wareto seni lon tettelin Melkisetek, nge sap eman seni lon tettelin Aaron.