Ipru 9:5 - Chuukese Bible

⁵ Won öppüngün ewe Pworun Pwon ra nom uluulun ruoman kerop, asisilen pwe Kot a nom ikiwe ie, pöükässiir ra itiwu o meresila won ewe leni ia aramas ra küna amusamusen ar tipis ie. Nge iei esap wor fansoun ach sipwe awewei tichikin ekei mettoch meinisin.

Ipru 9:5 Iomraidhean Croise

2. King 19:15

Hiskia a iotek ngeni ewe Samol mi Lapalap o üra, “Ai Samol mi Lapalap ewe Koten Israel, ka mot won ewe lenien motun king asen ekewe kerop. En chök ewe Koten ekewe mwü meinisin won fanüfan, ka pwal föri läng me fanüfan.

1. Kronika 28:11

Mürin, Tafit a ngeni Salomon liosun ewe imwenfel me kengkangan, liosun ekewe imw me ekewe lenien iseis pisek mi aüchea, liosun ekewe rumwen won me ekewe rumwen lon, pwal liosun ewe rum mi unusen pin, ia a fis ie asoren amusamusen tipis.

Kölfel 80:1

Kopwe aüselingakem, en än Israel chon mas, en mi emweni ekewe mwirimwirin Josef usun eu pwiin sip. En mi mot won om lenien motun king asen ekewe kerop,

Kölfel 99:1

Ewe Samol mi Lapalap a nemenem. Chon ekewe mwü ra chechech. A mot won an lenien motun king asen ekewe kerop. Fanüfan a chechech.

Lifitikos 16:13

o isetä ewe apach mi pwokus won ewe ekkei mi nom fän mesen ewe Samol mi Lapalap, pwe ötüötün ewe apach mi pwokus epwe pwölüela ewe öppüng mi nom won ewe pworofel, pwe esap mäla.

Lifitikos 16:2

Iwe, ewe Samol mi Lapalap a üreni Moses, “Kopwe asile ngeni Aaron pwiüm we, pwe esap tolong inet chök a mochen lon ewe leni mi unusen pin pekilan ewe cheech mwen ewe öppüng mi nom won ewe pworofel, pwe esap mäla. Pun üpwe pwä lon ewe kuchu asen ewe öppüng.

Numperis 7:89

Iwe, lupwen Moses a tolong lon ewe imw mangaku ia aramas ra churi Kot ie, pwe epwe kapas ngeni ewe Samol mi Lapalap, a rongorong eu möngüngü a fosowu seni lefilen ekewe ruoman kerop mi nom won öppüngün ewe pworofel. Iwe, Kot a kapas ngeni Moses.

Nöün Paulus Toropwe ngeni ekewe Souläng lon Rom 9:4

Ir nöün Kot kewe aramas a filiiretä. I a atolongeer lon tettelin nöün o a pwäri ngeniir an ling. I a föri an we pwon ngeniir o ngeniir ekewe Allük. Ra fel ngeni Kot fän pwüng o angei än Kot kewe pwon.

Efisos 3:10

pwe lon fansoun ikenai mwichefel epwe iei ewe leni ia ekewe sounemenem me manaman mi nom lon läng repwe silei usun mesemesekisin än Kot tipachem.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

1. Samuel 4:4

Iei mine ekewe aramas ra tinala ekoch Silo, pwe repwe uwato seni ikenan ewe pworofel än ewe Samol mi Unusen Manaman mi mot asen ekewe kerop. Iwe, nöün Eli kewe ruoman mwän Hofni me Pineas ra etala än Kot we pworofel.