Ipru 9:25 - Chuukese Bible

²⁵ Ewe Souasor mi Lap a tolong lon ewe Leni mi Unusen Pin iteiten ier ren chaan eman man. Nge Kraist esap tolong läng pwe epwe asor inisin fän chomong,

Ipru 9:25 Iomraidhean Croise

Ekistos 30:10

Fän eu lon eu ier Aaron epwe föri ewe angangen elimelima ewe rongen asoren ötüöt ren an tofi ngeni mächän kewe chan ewe mönün asoren amusamusen tipis. Ei epwe fis iteiten ier seni eu täppin aramas tori eu täppin. Ei rongen asoren ötüöt a unusen pin fän itei ngang ewe Samol mi Lapalap.”

Ipru 10:10

Pokiten Jesus Kraist a föri mine Kot a mochen pwe epwe föri, kich meinisin sia küna limöch seni tipis pun a eäni asor püsin inisin fän eu chök, nge a naf ngeni fansoun meinisin.

Ipru 10:19

Iei mine ämi pwii kana, esap fokun wor och mine epwe epetikich ach sipwe tolong lon ewe Leni mi Unusen Pin ren chaan Jesus.

Ipru 9:12

Lupwen Kraist a tolong lon ewe imwenfel seni mangaku, a tolong lon ewe Leni mi Unusen Pin fän eu chök, nge a naf ngeni fansoun meinisin. Iwe, esap uwalong chaan kuuch me chaan ätemwänin kow, pwe epwe eäni asor, nge a uwalong püsin chaan, pwe epwe angasakich seni ach tipis tori feilfeilachök.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

Ipru 9:2

Ra aüetä eu imwenfel seni mangaku mi wor ruu kinikin lon. Ewe aeuin kinikin a iteni ewe Leni mi Pin. Lon ei leni a nom ewe lenien atittin me ewe chepel ia ekewe pilawa mi pin ra nom ie.

Ipru 9:26

pun are epwe iei usun, epwe riaföü fän chomong seni ewe fansoun Kot a föri fanüfan. Nge iei lupwen a arapakan sopolan fansoun fanüfan, Kraist a wareto fän eu chök, nge a naf ngeni fansoun meinisin, pwe epwe amorala tipis ren an asor püsin inisin.

Ipru 9:7

Nge ewe Souasor mi Lap echök a tolong lon ewe Leni mi Unusen Pin fän eu chök lon eu ier. A uwei chaan ewe mönün asor a eäni asor ngeni Kot fän püsin itan pwal fän iten än ekewe aramas tipis ra föri lon ar chechengau.