Ipru 9:22 - Chuukese Bible

²² Pwüngün lon ewe Allük pwe arapakan mettoch meinisin ra limelim ren cha, pwal ina usun tipis a chök tongeni musala ren pupulan cha.

Ipru 9:22 Iomraidhean Croise

Isikiel 43:18

Mürin, Kot a üreniei, “Nöün aramas, iei aloi ngang Kot ewe Samol mi Lapalap, ‘Iei pwüngün angangen ewe rongen asor: Lupwen ei rongen asor a wes me kaü, epwe fis asoren kek won me äsupu ngeni chan ekewe mönün asor.

Lifitikos 14:14

Iwe, ewe souasor epwe angei ekis chan ewe mönün asoren pupungau o tofi ngeni emin fän pelifichin selingen ätewe mi mochen limöch, pwal ngeni aütülapen pelifichin pöün me pechen.

Lifitikos 14:25

Iwe, ewe souasor epwe niela ewe lam fän iten asoren pupungau. Mürin epwe angei ekis chan o tofi ngeni emin fän pelifichin selingen ätewe mi mochen limöch, pwal ngeni aütülapen pelifichin pöün me pechen.

Lifitikos 14:6

Mürin epwe angei ewe machang mi chüen manau fiti ewe mwüch seni ewe irä setar, ewe ekam mangaku mi par me ülün ewe irä isop, o atukurelong lon chan ewe machang a fen ninnila asen ewe koluk mi mürina.

Lifitikos 17:11

Pun manauen mönümanau meinisin a nom lon cha. Üa ngenikemi ei cha pwe oupwe föri asoren amusamusen tipis fän iten manauemi won ewe rongen asor. Iwe ren cha chök a fis amusamusen tipis, pun manau a nom lon.

Lifitikos 4:20

Usun mine a föri ngeni ewe mönün asoren tipis, iei usun epwe pwal föri ngeni ei ätemwänin kow. Ren ei ewe souasor epwe föri asoren amusamusen tipis fän iten ekewe aramas, pwe ar tipis epwe musala.

Lifitikos 4:26

Nge kirisin meinisin epwe kenala me won ewe rongen asor, usun a kenala kirisin ewe mönün asoren kinamwe. Iei usun ewe souasor epwe föri asoren amusamusen tipis fän iten ewe samol, pwe an tipis epwe musala.

Lifitikos 4:35

Iwe, epwe aserala kirisin meinisin, usun a aserala kirisin ewe sip a ninnila fän iten asoren kinamwe. Mürin, ewe souasor epwe kenala ewe kiris won ewe rongen asor asen ewe asoren kek ngeni ewe Samol mi Lapalap. Ren ei ewe souasor epwe föri asoren amusamusen tipis fän iten ewe aramas, pwe an tipis epwe musala.

Lifitikos 5:10

Mürin epwe eäni asor ewe aruomanün fän iten asoren kek lon pwüngün asoren kek. Iei usun ewe souasor epwe föri asoren amusamusen tipis fän iten ewe aramas. Iwe, an tipis epwe musala.

Lifitikos 5:11

Nge are ewe aramas esap tufich ngeni an epwe uwato ruoman lisom ika ruoman apansüsün lisom, epwe chök uwato ruu paun pilawa mi amas o mürina fän iten asoren an tipis. Iwe, esap nofiti ngeni apüra seni föün olif, esap pwal ninätä apach mi pwokus won, pun eu asoren tipis.

Lifitikos 5:12

Iwe, epwe uwato ren ewe souasor, nge ewe souasor epwe tukei ekumwuch seni, iei asisilan pwe a asor meinisin, o kenala me won ewe rongen asor asen ewe asoren kek ngeni ewe Samol mi Lapalap. Iei eu asoren amusamusen tipis.

Lifitikos 5:18

Iwe, epwe uwato ren ewe souasor eman ätemwänin sip esap wor terin. Nge liwinin ewe mönün asor me reöm epwe usun chök liwinin ewe mönün asoren pupungau. Iwe, ewe souasor epwe föri asoren amusamusen tipis fän iten än ewe aramas föför a chechengau ren, pwe epwe musala.

Lifitikos 6:7

Iwe, ewe souasor epwe föri asoren amusamusen tipis fän mesen ewe Samol mi Lapalap fän iten ewe aramas. Iwe, an kewe tipis meinisin a föri repwe musala.