Ipru 9:21 - Chuukese Bible

²¹ Ina chök usun Moses a pwal äsupu ewe cha won ewe imwenfel seni mangaku pwal won ekewe mettoch meinisin ra aea lon ar fel ngeni Kot.

Ipru 9:21 Iomraidhean Croise

Ekistos 24:6

Iwe, Moses a angei esopun chan ekewe mönün asor o ninalong lon ekewe sepi, nge esop a uti ngeni ewe rongen asor.

Ekistos 29:12

Iwe, kopwe angei ekis chan ewe ätemwänin kow o aea poum le tofi ngeni mächän ewe rongen asor, nge ewe lusun cha kopwe ninätiu ünükün ewe rongen asor.

Ekistos 29:20

Mürin kopwe niela ewe ätemwänin sip, kopwe angei ekis chan o tofi ngeni emin fän pelifichin selingen Aaron, pwal ngeni emin fän pelifichin selingen nöün kewe mwän, kopwe pwal tofi ngeni aütülapen pelifichin pöür me pecher, nge ewe lusun cha kopwe äsupufetalei ngeni pwelin ewe rongen asor.

Ekistos 29:36

Iwe, iteiten rän kopwe eäni asoren amusamusen tipis eman ätemwänin kow. Kopwe pwal alimöchü ewe rongen asor ren om föri asoren limelim fän itan. Mürin kopwe epiti pwe epwe pin.

Ekistos 40:9

Mürin kopwe angei ewe löön epit o epiti ewe imwenfel seni mangaku me mettochun lon meinisin, kopwe pwal apini me pisekin lon meinisin. Iwe, epwe pin.

Lifitikos 8:15

Iwe, Moses a niela ewe mönün asor, a angei ekis chan o aea pöün le tofi ewe cha ngeni mächän ewe rongen asor me fofoch, pwe epwe alimöchü ewe rongen asor. Nge lusun ewe cha a ninätiu lepopun ewe rongen asor o apini, pwe epwe föri asoren amusamusen limengauen ewe rongen asor.

Lifitikos 8:19

Iwe, Moses a niela ewe ätemwänin sip o uti chan ngeni pwelin ünükün ewe rongen asor.

Lifitikos 9:18

Mürin, Aaron a pwal niela ewe ätemwänin kow me ewe ätemwänin sip pwe asoren kinamwe fän iten ekewe aramas. Iwe, nöün Aaron kewe mwän ra uwato chan ekewe mönün asor ren, nge Aaron a uti ngeni pwelin ünükün ewe rongen asor.