Ipru 9:2 - Chuukese Bible

² Ra aüetä eu imwenfel seni mangaku mi wor ruu kinikin lon. Ewe aeuin kinikin a iteni ewe Leni mi Pin. Lon ei leni a nom ewe lenien atittin me ewe chepel ia ekewe pilawa mi pin ra nom ie.

Ipru 9:2 Iomraidhean Croise

Ekistos 25:23

“Iwe, kopwe föri eu chepel seni ewe irä akasia langataman ükükün ilik me wonu inis, chölapan ükükün engol me walu inis, nge tekian rüe me fisu inis.

Ekistos 25:30

Iwe, kopwe iseis ekewe pilawa mi pin won ewe chepel, pwe repwe nom fän mesei fansoun meinisin.”

Ekistos 25:31

“Iwe, kopwe föri eu lenien atittin seni kolt mi mürina, kopwe pwal auluulu motongan me popun o necheer ngeni ama. Iwe, alingan meinisin, ekewe uluulun pön irä me kirupun repwe förunus me ewe lenien atittin.

Ekistos 26:1

“Iwe, kopwe föri ewe imwenfel ren engol pekin mangaku mi mürina o pwechepwech, mangaku mi arauarau me parochol me parapar. Eman mi silelap le chü epwe chüri liosun kerop wor.

Ekistos 26:33

Kopwe aitiuätä ewe cheech won ekewe ökkük o anomu ewe pworofel pekilongan. Ewe cheech epwe refifeseni ewe rumw mi pin seni ewe rumw mi unusen pin.

Ekistos 26:35

Kopwe anomu ewe chepel pekiton ewe cheech me peliefengin lon ewe imwenfel seni mangaku. Nge ewe lenien atittin kopwe anomu peliörün awenewenen ewe chepel.

Ekistos 29:1

“Iei usun mine kopwe föri, lupwen kopwe apini Aaron me nöün kewe mwän pwe repwe föri ar angang ngeniei lon wisen souasor. Kopwe angei eman nienifön ätemwänin kow me ruoman ätemwänin sip esap wor terir,

Ekistos 29:35

Iei usun kopwe föri ngeni Aaron me nöün kewe mwän meinisin mine üa allük ngonuk. Lon ükükün fisu rän epwe fis angangen afeiöch wor.

Ekistos 40:2

“Lon aeuin ränin ewe aeuin maram kopwe aüetä ewe imwenfel seni mangaku ia aramas ra churi Kot ie.

Ekistos 40:4

Iwe, kopwe uwalong ewe chepel o atettelöchü pisekin won. Mürin kopwe uwalong ewe lenien atittin o isetä laman won.

Mateus 12:4

A tolong lon imwen Kot, nge i me chienan kewe ra mongö ekewe pilawa ra eäni asor ngeni Kot, inamwo ika a ü ngeni allükün lamalam ar repwe mongö, pwe ekewe chök souasor a mwümwü ngeniir ar repwe mongö ekei pilawa.

Mateus 5:15

Esap wor eman aramas a keni eu lamp o a anomu fän eu sepi, nge epwe isetä won lenian, pwe epwe asarama chon ewe imw meinisin.

Ipru 9:25

Ewe Souasor mi Lap a tolong lon ewe Leni mi Unusen Pin iteiten ier ren chaan eman man. Nge Kraist esap tolong läng pwe epwe asor inisin fän chomong,