Ipru 9:19 - Chuukese Bible

¹⁹ Akomwan Moses a asile ngeni ekewe aramas masouen ekewe allük meinisin. Mürin a angei chaan ekewe ätemwänin kow me chaan ekewe kuuch mi nofitfengen me koluk o aea ülün ewe irä isop me ülen sip mi parapar le äsupu ngeni ewe puken allük pwal ngeni ekewe aramas meinisin.

Ipru 9:19 Iomraidhean Croise

Ipru 9:12

Lupwen Kraist a tolong lon ewe imwenfel seni mangaku, a tolong lon ewe Leni mi Unusen Pin fän eu chök, nge a naf ngeni fansoun meinisin. Iwe, esap uwalong chaan kuuch me chaan ätemwänin kow, pwe epwe eäni asor, nge a uwalong püsin chaan, pwe epwe angasakich seni ach tipis tori feilfeilachök.

Numperis 19:18

Mürin, eman aramas mi limöch epwe angei ülün ewe irä isop, epwe atukalong lon ewe koluk o äsupu won ewe imw mangaku, won pisekin lon meinisin pwal won ekewe aramas mi nom lon. Epwe pwal äsupu won ätewe mi atapa chün eman somä ika atapa eman mi ninnila, ika atapa eman somä mi püsin mäla, ika atapa eu peias.

Numperis 19:6

Iwe, ewe souasor epwe angei mwüüch seni ewe irä setar, ülün ewe irä isop pwal ekam mangaku mi par o moneerelong lon ewe ekkei.

Ipru 10:4

Pun chaan ekewe ätemwänin kow me chaan ekewe kuuch resap fokun tongeni amorala tipis.

1. Petrus 1:2

Ämi oua fil me ren Samach Kot, pun iei usun letipan, Ngünmifel a apinikemi pwe oupwe aleasochisi Jesus Kraist o küna limöch ren chaan. Ümöümöch me kinamwe epwe chomongola remi.

Isikiel 36:25

Üpwe äsupu ngenikemi koluk mi fat pwe oupwe limöch. Üpwe alimöchükemi seni ämi limengauen tipis meinisin, pwal seni ämi kewe uluulun anümwäl meinisin.

Johannes 19:5

Iei mine Jesus a towu lükün, a mwärämwär epa mwäramwär seni palen iräfölüföl o üföüf echö üf mi parachol. Iwe, Pilatus a üreniir, “Nengeni, iei i ewe aramas!”

Johannes 19:2

Iwe, ekewe sounfiu ra fittiifengeni palen iräfölüföl o isetä won möküran pwe mwärin, ra pwal aüfa ngeni echö üf mi parachol.

Markus 15:20

Lupwen ra wes le turunufasei, ra pwiliti seni ewe üf mi parachol o aüfa ngeni püsin üfan kewe. Mürin ra etekinala pwe epwe iräpenges.

Markus 15:17

Ra aüfa ngeni echö üf mi parachol, mürin ra fittiifengeni palen iräfölüföl o isetä won möküren Jesus pwe mwärin.

Mateus 27:28

Ra pwiliti seni üfan o aüföüfa ngeni echö üf mi parachol.

Aisea 52:15

Ina usun chomong mwü won fanüfan repwe pwal mairü ren, nge king kana repwe fanafanala fän mesan. Pun repwe küna mine eman esap asile ngeniir, nge mine resamwo rongorong repwe ekieki usun o wewe ren.”

Lifitikos 3:6

Iwe, are eman aramas epwe eäni eu asoren kinamwe ngeni ewe Samol mi Lapalap seni nöün sip eman ätemwän ika eman liafefin, epwe chök eäni asor eman man esap wor terin.

Lifitikos 1:10

Iwe, are an asor epwe eu asoren kek seni nöün sip are kuuch, epwe uwato eman ätemwän esap wor terin.

Ekistos 12:22

Iwe, oupwe angei ulun ewe irä itan isop o otukalong lon ewe sepien cha. Mürin oupwe tofi ewe cha ngeni penkasamen imwemi lepekin me ruepek pwal asan. Nge esap wor eman epwe towu seni imwan tori lesosor.

Kölfel 51:7

Kopwe limetiei ren ülün ewe irä isop pwe üpwe limöch, kopwe talü seniei ai tipis pwe üpwe pwech seni snow.

Ipru 12:24

Oua feito ren Jesus ewe chon afförün eu pwon mi fö, pwal ren ewe cha ra aea le käsup, a eäni kapas mürina seni chaan Epel.

Ipru 1:1

Me lom Kot a kapas ngeni ach kewe lewo fän chomong pwal lon sokopaten lapalap ren ekewe soufos.

Ipru 9:13

Iwe, ra angei chaan ekewe kuuch me chaan ekewe ätemwänin kow, pwal falangen ewe nienifön kow mi kekkila mi nofit ngeni koluk o äsupu ngeni ekewe aramas mi nom lon tettelin limengau, pwe repwe limöch seni sokun ar limengau.

Ipru 9:18

Iei popun pwe ewe aeuin pwon a chök fis lupwen ra aea cha.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.