Ipru 9:11 - Chuukese Bible

¹¹ Nge Kraist a feito lon ewe wisen Souasor mi Lap fän iten ekewe mettoch mi mürina ra fen nom ikei. Ewe imwenfel seni mangaku i a angang lon a lap o fokun unusöch. Esap för ren pöün aramas, pun esap eu kinikinin minen fanüfan.

Ipru 9:11 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 40:7

Mürin üa apasa, “Ngang iei, üa feito. Lon ewe puken allük a mak usi.

Aisea 59:20

Iwe, epwe feito ngeni Jerusalem pwe epwe amanaua chokewe lon Israel mi kul seni ar tipis. Iei usun mine ewe Samol mi Lapalap a apasa.

Jeremaia 33:8

Üpwe limetiir seni ar kewe tipis meinisin ra föri ngeniei, üpwe pwal amusala ar tipis me ar ü ngeniei.

Malakai 3:1

Iwe, ewe Samol mi Unusen Manaman a pälüeni, “Nengeni, üpwe tinala nei chon künö pwe epwe amolätä efoch al fän itei. Mürin, ewe Samol mi Lapalap, ewe oua kütta, epwe müttir feito lon imwan imwenfel. Nengeni, epwe feito ewe chon künön ewe pwon, ätewe oua pwapwaiti.”

Mateus 11:3

Iwe, ra aisini Jesus, “En ewe eman epwe wareto, are sipwe witiwiti pwal eman.”

Mateus 2:6

‘En Petleem lon ewe fanü Jutea, kosap fokun kisikis me lein ekewe telinimwen Jutea, pun eman samol epwe towu senuk, epwe emweni nei aramasen Israel.’”

Markus 14:58

“Äm aia rongorong an apasa, ‘Ngang üpwe atai ei imwenfel mi för ren pöün aramas, nge lon ükükün ülüngat rän üpwe aüsefälietä pwal eu esap förien pöün aramas.’”

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 4:25

Iwe, ewe fefin a üreni Jesus, “Üa silei pwe ewe Messaia epwe wareto, ewe mi iteni Kraist. Lupwen epwe war, epwe asile ngenikich mettoch meinisin.”

Föför 7:48

Nge ewe Kot mi Unusen Tekia esap nom lon imw mi för ren pöün aramas. Usun ewe soufos a apasa,

2. Korint 4:18

Pun sisap afota mesach won ekewe mettoch sia tongeni küna, nge sia afota mesach won ekewe mettoch sisap tongeni küna. Pun ekewe mettoch sia tongeni küna repwe müchüla, nge ekewe mettoch sisap tongeni küna repwe nonom tori feilfeilachök.

2. Korint 5:1

Pun sia silei, pwe lupwen imwach imwen siamü sia nom lon, wewen inisich won ei fanüfan, epwe tala, mi wor imwach me ren Kot, imwach imwen wilipos mi nom läng tori feilfeilachök, esap förien aramas.

Kolose 2:11

Lon Kraist oua sirkomsais, sap ren ewe sirkomsais aramas ra föri, nge ren ewe sirkomsais Kraist a föri, pwe oua ngas seni fän nemenien fitukemi mi tipis.

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 12:27

Ewe kapas “pwal fän eu” a pwärätä pwe ekewe mettoch mi för repwe chechech o morola, pwe ekewe mettoch resap tongeni chechech repwe nonomola.

Ipru 13:14

Pun esap wor ach lenien wilipos ikei won fanüfan, pwe sia kütta ewe leni a souni kich me mürin.

Ipru 2:17

Wewen ei, pwe epwe wiliti aramas usun pwiin kewe lon mettoch meinisin fän iten an epwe nöür Souasor mi Lap mi eäni tong o allükülük lon an angang ngeni Kot, pwe än ekewe aramas tipis epwe musala.

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.

Ipru 4:15

Pun ach we Souasor mi Lap esap eman mi tongomang ngeni ach apwangapwang. Nge a nom rech eman Souasor mi Lap mi tolong lon sokopaten sosot usun chök kich, nge esap tipis.

Ipru 7:1

Ätei Melkisetek i kingen Salem, pwal eman souasor nöün Kot ewe mi Unusen Tekia. Lon fansoun Apraham a liwinto seni ewe maun lupwen a akufu ekewe föman king, Melkisetek a churi o afeiöchü.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.

2. Johannes 1:7

Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist.