Ipru 9:10 - Chuukese Bible

¹⁰ Pun ekei sokun asor ra chök masoueni mongö, minen ün me sokopaten angangen limelim. Ekei mettoch allük fän iten chök inisich, ra chök pöchökül tori ewe fansoun lupwen Kot epwe akotasefäli me asöföü mettoch meinisin.

Ipru 9:10 Iomraidhean Croise

Ekistos 29:4

Kopwe pwal emwenato Aaron me nöün kewe mwän ren asamalapen ewe imw mangaku ia aramas ra churiei ie o atütüür.

Ekistos 40:12

Mürin kopwe emwenato Aaron me nöün kewe mwän ren asamalapen ewe imwenfel seni mangaku o atütüür.

Isikiel 4:14

Mürin üa apasa, “Apwi, ai Kot Samol mi Lapalap, üsap fokun mwo alimengauaei fän eu. Seni ai kükün tori ikenai üsap fokun ochoch man mi püsin mäla ika mäla ren manmwacho, üsap pwal uwalong lon awei fituk mi limengau ngeniei.”

Lifitikos 13:58

Nge are niwangirin ewe üf ika ewe mangaku ika och pisek mi för seni silin man a mola mürin om sopuni, kopwe chök sopuni fän aruuan. Mürin epwe limöch.”

Lifitikos 16:24

Epwe tütü lon eu leni mi pin o üföüfolong üfan kewe. Mürin, epwe towu o eäni an asoren kek me än ekewe aramas asoren kek, pwe epwe föri asoren amusamusen tipis fän itan pwal fän iten ekewe aramas.

Lifitikos 16:4

Iwe, epwe üföüf ewe üf mi pin o pwechepwech, pwal ewe rauesesin lon mi pwechepwech, epwe peliti ngeni ewe pelit mi pwechepwech o imweimw ewe akkau mi pwechepwech. Ikkei ekewe üf mi pin. Iwe, epwe tütü, mürin epwe üföüfolong ekewe üf mi pin.

Lifitikos 22:6

ätewe mi atapa ei sokun limengau epwe limengau tori lekuniol. Iwe, esap tongeni mongö seni ekewe asor mi pin, are esap akomw le tütü.

Numperis 6:3

epwe püsin apini seni wain me sakau mi pwichikar. Esap fokun ün finikar mi för seni wain ika seni sakau mi pwichikar, esap pwal ün chönün föün wain are ochoch föün minefö ika mi apwas.

Markus 7:4

Lupwen ra feito seni ekewe lenien amömö, resap mongö och tori ra wes me tütü. Iwe, ra fokun apwönüetä chomong sokun allük ra angei seni ar kewe lewo, usun ar talü kap, nape me sepi seni piras.)

Kalatia 4:9

Nge iei oua silei Kot, ika üpwe tongeni apasa, pwe iei Kot a silekemi, pwota oua mochen kulsefäliti ekewe ngün mi apwangapwang o attong? Pwota oua mochen oupwe nomsefäl fän nemenier?

Efisos 1:10

Ei ekiek Kot epwe aunusöchü lupwen epwe tori ewe fansoun mi afat pwe epwe achufengeni förian meinisin lon läng me fanüfan, pwe repwe nonom fän nemenien Kraist.

Efisos 2:15

A amorala än ekewe chon Juta Allük fiti pwüngün me tichikin, nge a föri seni ekewe ruu sokun mwichen aramas eu chök mwichen aramas mi fö lon püsin i. Ren ei a awora kinamwe.

Tuteronomi 21:6

Mürin, ekewe souakom meinisin seni ewe telinimw mi kon kan ngeni ewe somä repwe talü pöür me won ewe nienifön kow a kupukup üan me lon ewe lemol.

Tuteronomi 23:11

lupwen a tori lekuniol epwe tütü, nge lupwen akkar a tuputiu, a tongeni tösefälilong lon ewe lenien sounfiu.

Kolose 2:16

Iei mine ousap mwüt ngeni än eman epwe föri allük usun met oupwe mongö ika ün, ika meni rän oupwe pinini, ika usun ekewe chulap mi fis lon fansoun lelingen maram me ekewe ränin sapat.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

Ipru 13:9

Ousap mwüt ngeni sokopaten afalafal mi mwäl repwe atokakemi seni ewe al mi pwüng. A fokun mürina ngenikemi pwe letipemi epwe pöchökül ren än Kot ümöümöch, nge sap ren ämi aleasochisi ekewe allük usun mongö. Chokewe mi aleasochisi ekei allük resap angei ar feiöch seniir.

Ipru 2:5

Iwe, Kot esap awisa ngeni ekewe chon läng pwe repwe nemeni ewe fanüfan mi fö epwe fisitä, iei ewe fanüfan sia fen kapas usun.

Ipru 6:2

ekewe afalafal usun papatais me ach isetä pöüch won aramas, usun ewe manausefäl seni sotup, pwal usun ewe kapwüng esemüch.

Ipru 6:5

Ra silei seni mine a fis ngeniir, pwe än Kot kapas a mürina o ra mefi ekewe manamanen ewe fansoun epwe feito.

Ipru 7:12

Pun are tettelin ekewe souasor epwe siwil, epwe pwal wor siwilin ekewe allük.

Ipru 7:16

I a tolong lon ewe wisen souasor sap pokiten än aramas allük ika akot, nge pokiten manamanen eu manau esap tongeni müchüla.

Ipru 9:1

Iwe, ewe aeuin pwon a wor allükün fän iten än aramas repwe fel ngeni Kot, pwal eu leni mi pin aramas ra föri fän iten ar repwe fel lon.