Ipru 9:1 - Chuukese Bible

¹ Iwe, ewe aeuin pwon a wor allükün fän iten än aramas repwe fel ngeni Kot, pwal eu leni mi pin aramas ra föri fän iten ar repwe fel lon.

Ipru 9:1 Iomraidhean Croise

Ekistos 25:8

Mürin, ekewe aramas repwe föri ewe imw mi pin fän itei pwe üpwe imweimw lefiler.

Isikiel 43:11

Mürin, are ra säw ren ar föför meinisin, kopwe aiti ngeniir lapalapen ei Imwenfel me liosun, pwal an lenien tolong me towu me akotan meinisin, kopwe pwal asile ngeniir pwüngün me allükün. Iwe, kopwe makei ekei mettoch me mwer, pwe repwe küna ei lios o apwönüetä ekewe allük meinisin.

Lifitikos 18:30

Iei mine oupwe apwönüetä ai allük ngenikemi, pwe ousap föri eu me lein ekewe föför mi anioput aramas ra piin föri mwen ämi tolong lon ei fanü. Ousap pwal fokun alimengauakemi ren ekei föför, pun ngang ewe Samol mi Lapalap ämi we Kot.”

Lifitikos 22:9

Ekewe souasor meinisin repwe apwönüetä ai kewe allük, pwe resap atoto tipis wor o mäla pokiten ar lükümach ngeni ai kewe allük. Ngang ewe Samol mi Lapalap üa apiniir.

Numperis 9:12

Nge resap likiti och tori lesosor, resap pwal kupi efoch chün. Iwe, repwe chök föri pwüngün allükün ewe Pasofer meinisin.

Lukas 1:6

Ir me ruoman ra föri mine a pwüng mwen mesen Kot o aleasochisi än ewe Samol kewe allük me pwüüng meinisin.

Nöün Paulus Toropwe ngeni ekewe Souläng lon Rom 9:4

Ir nöün Kot kewe aramas a filiiretä. I a atolongeer lon tettelin nöün o a pwäri ngeniir an ling. I a föri an we pwon ngeniir o ngeniir ekewe Allük. Ra fel ngeni Kot fän pwüng o angei än Kot kewe pwon.

Kolose 2:8

Oupwe tümwünükemi, pwe esap wor eman epwe liapenikemi ren atuputupun tipachemen fanüfan mi aücheangau, a pop seni sokopaten uruwon lom aramas ra aiti ngeni aramas, pwal seni ekewe ngün mi wor ar nemenem fän läng, nge esap pop seni Kraist.

Ipru 8:13

Lupwen Kot a kapas usun eu pwon mi fö, a föri pwe ewe aeuin pwon epwe mesila. Nge mine a mes esap chüen wor lomotan, epwe müttir morola.

Ipru 8:2

I a angang lon ewe wisen souasor mi lap lon ewe Leni mi Unusen Pin, iei wesewesen ewe imwenfel seni mangaku ewe Samol a aüetä, nge sap aramas.

Ipru 8:7

Pun are esap wor och mwäl lon ewe aeuin pwon, esap wor lomoten an epwe pwal wor eu aruen pwon.

Ipru 9:24

Pun Kraist esap tolong lon eu Leni mi Pin aramas ra föri, ewe mi chök aliosunätä ewe wesewesen Leni mi Pin. Nge a tolong lon läng o a nonom mwen mesen Kot iei fänäsengesich.