Ipru 8:9 - Chuukese Bible

⁹ Ei pwon esap wewe ngeni ewe üa föri ngeni ar kewe lewo, lon ewe rän üa amwöchü pöür o emweniirewu seni ewe fanü Isip. Resap apwönüetä pwüngün ewe pwon üa föri ngeniir, iei mine üa kul seniir.

Ipru 8:9 Iomraidhean Croise

Keneses 19:16

Nge lupwen Lot a mang, ekewe mwän ra turufi pöün pwal pöün pwülüan me nöün kewe ruoman föpwül o aweinerewu lükün ewe telinimw, pun ewe Samol mi Lapalap a ümöümöch ngeniir.

Hiop 8:20

Ellet, Kot esap pöütala eman aramas mi pwüng, ika alisi eman chon föföringau.

Kölfel 105:43

Iei mine a emwenawu nöün kewe aramas mi fil fän pwapwa me mweireiren köl.

Kölfel 77:20

Ka emweni noum aramas ren Moses me Aaron usun eman chon mas a emweni eu pwiin sip.

Kölfel 78:57

nge ra tokola seni Kot o kirikiringau usun chök semelaper kewe, ra lomotongau usun chök efoch esefich mi pwor.

Ekistos 32:8

Ra müttir aleasolap ngeni ekewe allük üa ngeniir, ra föri eu uluulun kow seni kolt fän iter, ra fel ngeni, ra pwal asor ngeni o apasa, ‘Iei i om we Kot Israel, ewe mi emwenukowu seni lon ewe fanü Isip.’

Ekistos 34:10

Mürin, Kot a üreni Moses, “Iei üpwe föri eu pwon lefilei me ekewe chon Israel. Üpwe föri manaman me fän mesen ekei aramas meinisin, sokun manaman resamwo fis won unusen fanüfan ika lon eu mwü. Iwe, ekewe aramas meinisin ka nom leir repwe küna ekewe föför mi eniwokus ngang ewe Samol mi Lapalap üpwe föri fän itom.

Än Salomon Köl 8:5

Iö we a feitä seni lon fanüapö o üllü ngeni ätewe mi wor tongan me ren? Fän ewe apel üa apwökuk. Iei ewe leni inom we a nöünuk me ie.

Aisea 40:11

Iwe, epwe tümwünü nöün mwichen sip usun eman chon mas, epwe pwal achufengeni ekewe apanen sip o ekiretä fän mwärin, nge ekewe inelapen sip epwe emwenirela fän kinamwe.

Aisea 41:13

Pun ngang om Kot ewe Samol mi Lapalap üa amwöchü pöüifichum, pwal ngang ätewe mi ürenuk, ‘Kosap niuokus, ngang üpwe alisuk.’”

Aisea 51:18

Esap wor eman lein noum kewe mwän a emwenuk, esap pwal wor eman lein noum kewe ka foleni a amwöchü poum.

Aisea 63:9

Püsin i a amanaueer, sap eman chon läng. Ren an chen me tong ngeniir a angaseer, a ekiretä o mwäreer lon ekewe fansoun lom.

Jeremaia 31:32

Ei pwon esap usun ewe pwon üa föri ngeni ar kewe lewo, lupwen üa amwöchü pöür o emwenirewu seni ewe fanü Isip. Ir ra atai ai pwon, inamwo pwe üa usun eman rereimw ngeniir.

Kölün kechü 4:16

Ewe Samol mi Lapalap a püsin atoropaseer, esap chüen ekieki usur. Aramas resap chüen meniniti ekewe souasor, resap pwal aücheani ekewe souakom.

Isikiel 16:59

Ewer, iei alon Kot ewe Samol mi Lapalap, “Üpwe liwini ngonuk liwinin om föför, pun en ka aücheangaua ai we pwon fän akapel ngonuk ren om atai ewe pwon.

Isikiel 16:8

Lupwen üa pwal pwereto, üa küna pwe a tori fansoun om kopwe tongeni pwüpwülü. Iwe, üa ameresala üfei womw o pwölüela om selela, üa pwal pwon ngonuk pwe üpwe tongeek. Ewer, üa eäni eu pwon fän akapel ngonuk pwe sipwe pwüpwülü. Iwe, ka wiliti pwülüei,” iei alon Kot ewe Samol mi Lapalap.

Amos 5:22

Inamwo ika oua eäni asoren kek ngeniei me asoren mongö, ngang üsap etiweer. Üsap pwal nenengeni ämi eäni asoren kinamwe nöümi mönün asor mi kitinup.

Malakai 2:13

Iwe, mi pwal wor och oua föri: Oua achöchönü än ewe Samol mi Lapalap rongen asor ren chönün mesemi, ren kechü me ngüngüres, pun i esap chüen ekieki ekewe asor ika etiweer seni lepöümi.

Markus 8:23

Iwe, Jesus a amwöchü pöün ewe mwän mi chun o emwenala lükün ewe sopw. A atufa mesen ewe mwän o iseis pöün won, mürin Jesus a aisini, “Ifa usun, ka tongeni künok?”

Föför 13:11

Pöün ach Samol epwe feitiu womw iei chök. Kopwe mesechun, pwe kosap chüen tongeni küna saramen akkar lon eu fansoun.” Lon ewe chök otun och toputop me rochopwak a feitiu won Elimas o atoputopala lon mesan. Iwe, a atapfeil o kütta eman epwe wisen amwöchü pöün o emweni.

Föför 7:36

Moses a emwenawu ekewe aramas seni Isip, a föri manaman me asisil lon Isip, arun ewe Setipar, pwal lon ewe fanüapö lon ükükün faik ier.

Föför 9:8

Saul a ütä seni le pwül o nenela, nge esap küna och. Iei mine ra amwöchü pöün o emwenala Tamaskus.

Kalatia 4:24

Ekei mettoch sia tongeni awewe ngeni eu lios: Ekewe ruoman fefin ra aliosunätä ruu pwon. Nöün ewe fefin Hakar kewe mi up seni ir amanau. Hakar a aliosunatä ewe pwon mi fis me won ewe chuk Sinai.

Tuteronomi 29:1

Ikkei kapasen ewe pwon ewe Samol mi Lapalap a allük ngeni Moses fän iten ekewe aramasen Israel me lon ewe fanü Moap, lükün ewe pwon a fen föri ngeniir me fäsonun ewe chuk Horep.

Tuteronomi 29:12

ämi meinisin oua ü ikei, pwe oupwe tolong fän ewe pwon mi fis fän akapel, ewe Samol mi Lapalap ämi we Kot a föri ngenikemi ikenai.

Tuteronomi 29:25

Mürin, aramas repwe apasa, ‘Popun a fis ei pwe ekewe chon Israel ra atai ewe pwon ewe Samol mi Lapalap än ar kewe lewo we Kot a föri ngeniir, lupwen a emwenirewu seni ewe fanü Isip.