Ipru 8:8 - Chuukese Bible

⁸ Nge lupwen Kot a küna mwälin nöün kewe aramas, a apasa, “Ewe Samol a apasa: Epwe war ewe fansoun, lupwen üpwe föri eu pwon mi fö ngeni chon Israel me chon Juta.

Ipru 8:8 Iomraidhean Croise

Aisea 55:3

Oupwe aü selingemi o feito rei. Oupwe rongorong pwe ngünümi epwe manau. Iwe, ngang üpwe föri eu pwon esemüch ngenikemi o apwönüetä ai ümöümöch me tong usun üa fen pwon ngeni Tafit.

Jeremaia 23:5

Iei alon ewe Samol mi Lapalap, “Nengeni, epwe war ewe fansoun üpwe seikätä seni mwirimwirin Tafit efoch ‘Palan mi pwüng’, epwe king o nemenem fän tipachem, epwe föri mine a wenechar o pwüng me lon ewe fanü.

Jeremaia 23:7

Iei alon ewe Samol mi Lapalap, “Nengeni, epwe war ewe fansoun pwe aramas resap chüen eäni ei akapel, ‘Mwo manauen ewe Samol mi Lapalap mi emwenawu ekewe aramasen Israel seni ewe fanü Isip,’

Jeremaia 30:3

Pun epwe war ewe fansoun pwe ngang üpwe aliwinisefäli nei aramasen Israel me Juta o aliwinireto ngeni ewe fanü üa ngeni ar kewe lewo pwe repwe fanüeni. Ngang ewe Samol mi Lapalap üa kapas.”

Jeremaia 31:27

Iei alon ewe Samol mi Lapalap, “Epwe war ewe fansoun, lupwen üpwe amasoua ewe fanü Israel me Juta ren aramas me man.

Jeremaia 31:38

Iei alon ewe Samol mi Lapalap, “Epwe war ewe fansoun pwe ewe telinimw Jerusalem epwe kaüsefäl fän itei seni ewe imw tekia än Hananel me pelilotou tori ewe Asamalapen Pwokuku.

Jeremaia 32:40

Üpwe eäni ngeniir eu pwon epwe nom tori feilfeilachök, pwe üsap ükütiu le afeiöchüür. Iwe, üpwe atolonga lon leluker ar repwe niuokusitiei, pwe resap chüen kul seniei.

Isikiel 37:26

Üpwe föri eu pwonen kinamwe ngeniir, eu pwon epwe nonom tori feilfeilachök. Üpwe afeiöchüür o achomongeer, üpwe pwal anomu imwei mi pin lefiler, pwe epwe nom tori feilfeilachök.

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Markus 14:24

Jesus a apasa, “Iei chai mi ninnila fänäsengesin chomong aramas, ei cha a anükünükü än Kot pwon ngenikich.

Lukas 17:22

Mürin Jesus a üreni nöün kewe chon kaiö, “Epwe war ewe fansoun, lupwen oupwe fokun mochen küna eu ekewe ränin Nöün Aramas, nge ousap fokun küna.

Lukas 22:20

Pwal ina chök usun, a ngeniir ewe kap mürin ar mongö o apasa, “Ei kap än Kot we pwon mi fö mi fis ren chai a ninnila fän itemi.

Lukas 5:38

Nge wain mi fö sipwe alölöülong lon pör mi fö.

1. Korint 11:25

Pwal ina chök usun mürin ar mongö, a angei ewe kap o apasa, “Ei kap iei än Kot we pwon mi fö lon chai. Iteiten fansoun oupwe ün seni ei kap, oupwe chechemeniei.”

2. Korint 3:6

I ewe mi alipwäköchükem äm aipwe chon angang ngeni ewe pwon mi fö. Ei pwon esap fis ren allük mi mak, nge a fis ren Ngünmifel, pun ewe allük mi mak a afisätä mäla, nge ewe Ngünmifel a ngenikich manau.

Tuteronomi 29:14

Iwe, ewe Samol mi Lapalap a föri ei pwon fän akapel, sap ngenikemi chök,

Ipru 12:24

Oua feito ren Jesus ewe chon afförün eu pwon mi fö, pwal ren ewe cha ra aea le käsup, a eäni kapas mürina seni chaan Epel.

Ipru 7:22

Pokiten ei pwon fän akapel Jesus a wiliti eu minen allükülükün eu pwon mi fokun mürina.

Ipru 8:13

Lupwen Kot a kapas usun eu pwon mi fö, a föri pwe ewe aeuin pwon epwe mesila. Nge mine a mes esap chüen wor lomotan, epwe müttir morola.

Ipru 8:6

Nge iei Jesus a angei ewe wisen souasor mi tekia seni wisen ekewe souasor mi lap, usun chök ewe pwon i a föri lefilen Kot me nöün kewe aramas a fokun aüchea seni ewe pwonen lom, pun a longolong won ekewe pwon mi fokun mürina.

Ipru 9:15

Iei popun Kraist a wisen chon afförün ewe pwon mi fö, pwe chokewe Kot a köriir repwe angei ewe feiöch esemüch, Kot a fen pwon. Ei a tongeni fis, pun Kraist a mäla pwe epwe angasa aramas seni ar tipis kana ra föri fän ewe aeuin pwon.