Ipru 8:5 - Chuukese Bible

⁵ Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.”

Ipru 8:5 Iomraidhean Croise

1. Kronika 28:12

A pwal ngeni liosun ekewe mettoch meinisin a ekiekietä fän iten ekewe leni lükün imwen ewe Samol mi Lapalap, ekewe rum meinisin mi nom pwelin ünükün, ekewe lenien iseis pisek mi aüchea fän iten ewe imwenfel, pwal ekewe lenien iseis ekewe lifang mi pin.

1. Kronika 28:19

Iwe, Tafit a üra, “Ekei lapalap mi nom lon ewe akot a mak fän aitien ewe Samol mi Lapalap ngeniei, pwe üpwe apwönüetä.”

Ekistos 25:40

Kopwe tümwünü pwe kopwe chök föri meinisin usun mine üa aiti ngonuk me won ewe chuk.”

Ekistos 25:9

Repwe föri ewe imwenfel seni mangaku me pisekin lon meinisin won ükükün mine üpwe aiti ngonuk.”

Ekistos 26:30

Lupwen kopwe aüetä ewe imwenfel seni mangaku, kopwe chök aüetä lon aükükün mine ka küna me won ewe chuk.

Ekistos 27:8

Kopwe föri ewe rongen asoren kek seni pap, nge epwe pöön lon. Iwe, kopwe chök föri usun mine üa aiti ngonuk me won ewe chuk.

Numperis 8:4

Iei usun förün ewe lenien atittin: a för seni kolt mi nechenech seni alongun tori ekewe uluulun pön irän won. Moses a föri ewe lenien atittin usun mine ewe Samol mi Lapalap a aiti ngeni.

Mateus 2:12

Iwe, Kot a öüröüra ngeniir lon ar tan, pwe resap chüen liwiniti Herotes, iei mine ra liwinsefäliti fanüer won pwal efoch al.

Föför 7:44

“A wor ren ach kewe lewo me lon ewe fanüapö ewe imwenfel seni mangaku. A för usun chök met Kot a aiti ngeni Moses lon liosun we a fen pwäri ngeni me mwan.

Kolose 2:17

Ekei mettoch meinisin ngünüen chök ekewe mettoch repwe feito me mürin, nge ewe mi wesewesen enlet, iei i Kraist.

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 13:10

Ekewe souasor mi angang lon ewe imwenfel seni mangaku esap wor ar pwüng ar repwe mongö seni ewe asor mi nom won ach rongen asor.

Ipru 9:9

Iei eu lios fän itach ikenai. Wewen pwe ekewe sokopaten asor me ekewe asoren man aramas ra uwato pwe ar asor ngeni Kot, resap tongeni aunusöchüela letipen chokewe mi fel ngeni Kot.

Josua 22:28

Iwe, äm aia ekieki, are epwe iei alor ngenikem ika ngeni mwirimwirim lon ekan fansoun mwach, äm aipwe üreniir, ‘Oupwe nenengeni liosun än ewe Samol mi Lapalap rongen asor äm kewe lewo ra föri. Sap fän iten asoren kek ika sokun asor, ngei eu pisekin pwärätä lefilach me ämi’

Pwärätä 15:5

Mürin ei üa küna ewe imwenfel lon läng a sukula, ia ewe imw mangaku mi pin a nom ie.