Ipru 7:22 - Chuukese Bible

²² Pokiten ei pwon fän akapel Jesus a wiliti eu minen allükülükün eu pwon mi fokun mürina.

Ipru 7:22 Iomraidhean Croise

Keneses 43:9

Ngang üpwe pwon fän itan pwe üpwe siwili. Kopwe echimwa seniei mön manauan. Nge are üsap aliwinato reöm lon an pöchökül, epwe ukei chök tori feilfeilachök.

Keneses 44:32

Pun ngang noum chon angang üa pwon ngeni semei we fän iten ewe ät. Üa apasa ngeni pwe are üsap aliwinato ren ei ät, epwe ukei chök lon unusen manauei me fän mesen semei.

Kölfel 119:122

Kopwe pwon pwe kopwe alisiei ngang noum chon angang, nge kosap mwüt ngeni ekewe chon lamalamtekia pwe repwe ariaföüüei.

Än Salomon Fos 20:16

Kopwe angei üfen ätewe mi pwon pwe epwe mönätiu än eman wasöla liwinimang, kopwe amwöchü pwe asisilen an pwon ngeni eman chon ekis.

Än Salomon Fos 6:1

Ifa usun, nei, ka pwon pwe kopwe mönätiu än chon arum liwinimang, ika ka ngeni eman chon ekis asisilen om pwon?

Aisea 38:14

Iwe, üa tikitik usun eman ekiek ika eman kawakaw, üa pwal ngüngü usun eman lisom. Mesei a ächikichik ren ai netä läng. Ai Samol, üa nom lon riaföü, kose mochen kopwe alisiei.

Taniel 9:27

Lon ükükün fisu ier ewe samol epwe föri eu pwon mi nüküchar ngeni chomong aramas, nge lukalapen ekewe fisu ier epwe aükätiu ewe asoren kek me ewe asoren mongö. Iwe, ewe mi afisätä tatakis epwe anomu eu mettoch mi fokun anioput lon ewe Leni mi Fokun Tekia lon ewe Imwenfel, tori Kot epwe atolonga ätewe lon ewe feiengau a fen apwüngala won.”

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Markus 14:24

Jesus a apasa, “Iei chai mi ninnila fänäsengesin chomong aramas, ei cha a anükünükü än Kot pwon ngenikich.

Lukas 22:20

Pwal ina chök usun, a ngeniir ewe kap mürin ar mongö o apasa, “Ei kap än Kot we pwon mi fö mi fis ren chai a ninnila fän itemi.

1. Korint 11:25

Pwal ina chök usun mürin ar mongö, a angei ewe kap o apasa, “Ei kap iei än Kot we pwon mi fö lon chai. Iteiten fansoun oupwe ün seni ei kap, oupwe chechemeniei.”

Ipru 12:24

Oua feito ren Jesus ewe chon afförün eu pwon mi fö, pwal ren ewe cha ra aea le käsup, a eäni kapas mürina seni chaan Epel.

Ipru 13:20

Iwe, ewe Koten kinamwe mi amanauasefäli ach Samol Jesus seni mäla ren chaan ewe pwon mi nom tori feilfeilachök, i ewe Chon Masen sip mi fokun tekia,

Ipru 7:23

Iwe, mi wor chomong ekewe souasor, pokiten ra mäla resap tongeni sopwela angangen wiser.

Ipru 8:13

Lupwen Kot a kapas usun eu pwon mi fö, a föri pwe ewe aeuin pwon epwe mesila. Nge mine a mes esap chüen wor lomotan, epwe müttir morola.