Ipru 7:2 - Chuukese Bible

² Iwe, Apraham a ngeni ätei eu leengolun choon wokun meinisin. Aeuin wewen ei it Melkisetek “Kingen Pwüng”, nge pokiten i kingen Salem itan a pwal iei wewen “Kingen Kinamwe”.

Ipru 7:2 Iomraidhean Croise

Keneses 28:22

Iwe, ewe fau üa aüetä pwe eföü föün achem epwe wiliti eu imwenfelin Kot, nge seni mettoch meinisin mine kopwe ngeniei üpwe ngonuk eu leengolun.

2. Samuel 23:3

Ewe Koten Israel a kapas, ewe Achauen Israel a üreniei: Ewe king mi nemeni aramas fän pwüng, mi nemenem fän an niuokusiti Kot,

2. Samuel 8:15

Iwe, Tafit a nemeni unusen Israel o föri mine a öch o pwüng ngeni nöün aramas meinisin.

1. Kronika 22:9

Nge eman ät epwe uputiu ngonuk, i epwe eman aramas mi eäni kinamwe. Ngang üpwe fang ngeni kinamwe seni chon oputan meinisin mi nom ünükün. Iwe, epwe iteni Salomon, nge ngang üpwe awora kinamwe me mosonoson lon Israel lon fansoun an nemenem.

Kölfel 72:7

Amwo pwüng epwe fefeitä lon ränin manauan, nge feiöch me kinamwe epwe lapala, tori ewe maram esap chüen nom.

Lifitikos 27:32

Iwe, eu leengol seni ekewe kow me sip meinisin, iteiten engolun man meinisin mi alea repwe pin fän iten ewe Samol mi Lapalap.

Mika 5:5

Iwe, i epwe atoto kinamwe. Lupwen ekewe chon Asiria repwe tolong lon fanüem o ataelong äm kewe imwen maun mi pöchökül, äm aipwe tinala nöüm kewe souemwen mi fokun pöchökül pwe repwe maun ngeniir.

Numperis 18:21

Iwe, üa ngeni chon ewe ainangen Lefi än chon Israel leengol meinisin ra uwato rei, pwe wiser fän iten ar angang lon ewe imwenfel seni mangaku.

Mateus 1:23

“Nengeni, eman föpwül epwe pwopwo o nöüni eman ät, repwe aita ngeni Imanuel, wewen ‘Kot a nonom rech.’”

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Nöün Paulus Toropwe ngeni ekewe Souläng lon Rom 3:26

Nge ikenai Kot a föri och fän iten än aramas tipis, pwe epwe pwärala an pwüng. Ren ei Kot a pwäräta pwe püsin i a pwüng, a pwal föri pwe ir mi lükü Jesus repwe küna pwüng.

Ipru 7:1

Ätei Melkisetek i kingen Salem, pwal eman souasor nöün Kot ewe mi Unusen Tekia. Lon fansoun Apraham a liwinto seni ewe maun lupwen a akufu ekewe föman king, Melkisetek a churi o afeiöchü.

Ipru 7:3

Esap wor uruwon saman ika inan ika an lewo, esap pwal wor uruwon an uputiu ika an mäla. Iwe, a usun ewe Nöün Kot, a nonom lon wisen souasor tori feilfeilachök.

1. Samuel 8:15

Epwe pwal angei eu leengolun föün fotämi wiich me wain o ngeni nöün kewe meilap me nöün kewe nöüwis.

1. Samuel 8:17

Epwe angei eu leengol seni nöümi pwiin sip, epwe pwal nöünikemi amanau.