Ipru 7:19 - Chuukese Bible

¹⁹ Pun ekewe Allük resap tongeni aunusöchüela och mettoch. Nge iei eu apilükülüköch mi mürina seni a fen molotä fän itach, pwe sipwe arap ngeni Kot ren.

Ipru 7:19 Iomraidhean Croise

Kölfel 73:28

Nge me rei, a mürina pwe üpwe kan ngeni Kot. Üa filätä Kot ewe Samol mi Lapalap pwe epwe ai lenien op, pwe üpwe apworausa an kewe föför meinisin.

Kölün kechü 3:57

En ka arap ngeniei, lupwen üa kökköruk, ka apasa, ‘Kosap niuokus.’

Johannes 1:17

Kot a ngenikich ekewe allük ren Moses, nge ümöümöch me let a torikich ren Jesus Kraist.

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Föför 13:39

Ämi meinisin mi lükü i oua ngas seni ämi tipis kana, iei met ewe Allükün Moses esap tongeni föri, pun esap tongeni angasakemiila.

Nöün Paulus Toropwe ngeni ekewe Souläng lon Rom 5:2

Ren ach lükülük, Kraist a emwenikichelong lon än Kot ümöümöch, iei sia manau lon. Iei mine sia pwapwaäsini ach apilükülüköch ngeni ewe ling Kot epwe ngenikich.

Nöün Paulus Toropwe ngeni ekewe Souläng lon Rom 7:7

Iwe, met sipwe üra? Sipwe apasa pwe ewe Allük mi tipis? Apwi, esap fokun ina usun! Nge ewe Allük a amefi ngeniei met wewen tipis. Pun üsap weweiti usun mochenia are ewe allük esap apasa, “Kosap mochenia ngeni pisekin eman.”

Nöün Paulus Toropwe ngeni ekewe Souläng lon Rom 8:3

Iwe, mine ewe Allük esap tongeni föri pokiten fitukach a apwangapwang, Kot a föri: A ngeni tipis liwinin lon fituken Nöün we, ren an tinato püsin Nöün lon lapalapen aramas usun eman aramas tipis, pwe epwe eu asoren tipis.

Kalatia 2:16

Nge sia silei pwe eman aramas a küna pwüng me ren Kot ren an lükü Jesus Kraist chök, nge esap ren an apwönüetä ekewe Allük. Iei usun pwal kich sia lükü Jesus Kraist, pwe sipwe küna pwüng me ren Kot ren ach lükü Kraist, nge sap ren ach apwönüetä ekewe Allük. Pun esap fokun wor eman a küna pwüng me ren Kot ren an apwönüetä ekewe Allük.

Kalatia 3:21

Iwe, ifa usun, wewen ei pwe ekewe Allük ra ü ngeni än Kot kewe pwon? Apwi, esap fokun ina! Pun are aramas ra angei eu allük mi atoto manau, mürin ir meinisin repwe tongeni küna pwüng me ren Kot ren ar aleasochis ngeni ei allük.

Kalatia 3:24

Iei usun ekewe Allük ra nemenikich tori Kraist a war, pwe sia tongeni küna pwüng me ren Kot ren ach lükülük.

Efisos 3:12

Lon Kraist pwal ren ach lükü i sia pwora o apilükülük lon ach churi Kot.

Kolose 1:27

Kot a mochen pwe epwe pwäri ngeniir an we monomon mi aüchea o ling a amolätä fän iten aramas meinisin. Iei ewe monomon pwe Kraist a nonom lomi, i ach apilükülük pwe sipwe eti lon an ling.

1. Timoty 1:1

Ngang Paulus, eman nöün Kraist Jesus soukünö fän än Kot ach we Chon Amanau allük me Kraist Jesus ach apilükülük,

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 11:40

pun Kot a akota och mi fokun mürina fän itach, pwe repwe chök tongeni unusöchüla lupwen kich sipwe unusöchüla.

Ipru 11:6

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.

Ipru 6:18

Ikkei ekewe ruu mettoch resap tongeni siwil, pun esap tufich pwe Kot epwe tongeni chofona. Iei mine kich mi nom fän tümwünüan sia fokun tipepwora lon ach kamwöchünük lon ewe apilükülüköch a anomu mwach.

Ipru 7:11

Kot a ngeni ekewe aramasen Israel ekewe Allük, nge ra longolong won angangen ekewe souasor, ir mwirimwirin Lefi. Iwe, are angangen ekewe souasor, ir mwirimwirin Lefi, epwe unusöch, esap wor lomoten än pwal eman souasor epwe wareto seni lon tettelin Melkisetek, nge sap eman seni lon tettelin Aaron.

Ipru 7:20

Iwe, mi pwal wor än Kot pwon fän akapel. Lupwen ekewe pwal ekoch ra tolong lon wisen souasor, esap wor ena sokun akapel.

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.

Ipru 8:6

Nge iei Jesus a angei ewe wisen souasor mi tekia seni wisen ekewe souasor mi lap, usun chök ewe pwon i a föri lefilen Kot me nöün kewe aramas a fokun aüchea seni ewe pwonen lom, pun a longolong won ekewe pwon mi fokun mürina.

Ipru 9:9

Iei eu lios fän itach ikenai. Wewen pwe ekewe sokopaten asor me ekewe asoren man aramas ra uwato pwe ar asor ngeni Kot, resap tongeni aunusöchüela letipen chokewe mi fel ngeni Kot.

James 4:8

Oupwe arap ngeni Kot, iwe, epwe arap ngenikemi. Oupwe limeti pöümi, ämi chon tipis kana, oupwe limeti lelukemi, ämi chon tipekinikin kana.