Ipru 7:16 - Chuukese Bible

¹⁶ I a tolong lon ewe wisen souasor sap pokiten än aramas allük ika akot, nge pokiten manamanen eu manau esap tongeni müchüla.

Ipru 7:16 Iomraidhean Croise

Nöün Paulus Toropwe ngeni ekewe Souläng lon Rom 7:14

Kich mi silei pwe ewe Allük sokun ngün, nge ngang sokun fituk, pwe üa nom fän nemenien tipis.

Kalatia 4:3

Ina chök pwal usun kich. Lupwen sia chüen semirit lon ach souläng, sia nonom fän nemenien ekewe ngün mi nemeni ei fanüfan.

Kalatia 4:9

Nge iei oua silei Kot, ika üpwe tongeni apasa, pwe iei Kot a silekemi, pwota oua mochen kulsefäliti ekewe ngün mi apwangapwang o attong? Pwota oua mochen oupwe nomsefäl fän nemenier?

Kolose 2:14

o amola makken ach kewe liwinimang mi mak lon ewe toropwe fiti allükün kewe mi ü ngenikich. A angei senikich meinisin o chüfölüüretä won ewe iräpenges.

Kolose 2:20

Iwe, oua mäla fiti Kraist o ngas seni fän nemenien ekewe ngün mi nemeni ei fanüfan. Pwota chök oua manaueni eu sokun manau usun itä nge ämi nöün ei fanüfan? Pwota oua aleasochisi ekei sokun allük,

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 7:15

Ei pworaus a fokun fatafatöchüla, pwe pwal eman souasor usun chök Melkisetek a wareto.

Ipru 7:17

Pun a mak lon ekewe Toropwe mi Pin, “En kopwe eman souasor tori feilfeilachök lon tettelin Melkisetek.”

Ipru 7:21

Nge Jesus a wiseni ewe wisen souasor ren eu pwon fän akapel, lupwen Kot a üreni, “Ewe Samol a pwon fän akapel, nge esap siwili an ekiek, ‘En kopwe eman souasor tori feilfeilachök.’”

Ipru 7:28

Lon pwüngün ekewe Allük, aramas resap unusöch ra kefilitä lon ewe wisen souasor mi lap. Nge än Kot pwon mi fis fän akapel a tapweto me mürin ekewe Allük, a filätä ewe Nau mi unusöch tori feilfeilachök.

Ipru 7:3

Esap wor uruwon saman ika inan ika an lewo, esap pwal wor uruwon an uputiu ika an mäla. Iwe, a usun ewe Nöün Kot, a nonom lon wisen souasor tori feilfeilachök.

Ipru 9:14

Pokiten ei a pwüng, epwe le ifan me ükükün aüchean ewe chaan Kraist. Ren ewe Ngün esemüch a asor ngeni Kot püsin inisin pwe eu asor mi unusöch. Chaan Kraist epwe limeti mwelien letipach seni sokun föför mi lomotongau, pwe sipwe tongeni angang ngeni ewe Kot mi manau.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.