Ipru 7:11 - Chuukese Bible

¹¹ Kot a ngeni ekewe aramasen Israel ekewe Allük, nge ra longolong won angangen ekewe souasor, ir mwirimwirin Lefi. Iwe, are angangen ekewe souasor, ir mwirimwirin Lefi, epwe unusöch, esap wor lomoten än pwal eman souasor epwe wareto seni lon tettelin Melkisetek, nge sap eman seni lon tettelin Aaron.

Ipru 7:11 Iomraidhean Croise

Kalatia 2:21

Üsap fokun mochen pwe üpwe pöütala än Kot ümöümöch. Pun ika eman aramas epwe küna pwüng me ren Kot ren ekewe Allük, wewen pwe än Kraist mäla a lomotongau!

Kalatia 4:3

Ina chök pwal usun kich. Lupwen sia chüen semirit lon ach souläng, sia nonom fän nemenien ekewe ngün mi nemeni ei fanüfan.

Kalatia 4:9

Nge iei oua silei Kot, ika üpwe tongeni apasa, pwe iei Kot a silekemi, pwota oua mochen kulsefäliti ekewe ngün mi apwangapwang o attong? Pwota oua mochen oupwe nomsefäl fän nemenier?

Ipru 5:10

Iwe, Kot a aita ngeni souasor mi lap lon tettelin Melkisetek.

Ipru 5:6

A pwal apasa lon eu kewe Toropwe mi Pin, “En kopwe eman souasor tori feilfeilachök lon tettelin Melkisetek.”

Ipru 6:20

Fän itach Jesus a akomwolong mwach lon ewe leni o wiliti eman souasor mi lap tori feilfeilachök lon tettelin Melkisetek.

Ipru 7:10

Pun Lefi esamwo uputiu, nge sia tongeni apasa pwe a nom lon inisin an we lewo Apraham, lupwen Melkisetek a churi.

Ipru 7:12

Pun are tettelin ekewe souasor epwe siwil, epwe pwal wor siwilin ekewe allük.

Ipru 7:13

Iwe, ekei kapas ra makketiu fän iten ach Samol a nom lon pwal eu sokun ainang. Esap wor eman seni an we ainang a fen mwo nge wiseni ewe wisen souasor.

Ipru 7:15

Ei pworaus a fokun fatafatöchüla, pwe pwal eman souasor usun chök Melkisetek a wareto.

Ipru 7:21

Nge Jesus a wiseni ewe wisen souasor ren eu pwon fän akapel, lupwen Kot a üreni, “Ewe Samol a pwon fän akapel, nge esap siwili an ekiek, ‘En kopwe eman souasor tori feilfeilachök.’”

Ipru 8:7

Pun are esap wor och mwäl lon ewe aeuin pwon, esap wor lomoten an epwe pwal wor eu aruen pwon.

Ipru 9:6

Iei usun kokotöchün ekei mettoch meinisin. Ekewe souasor ra tolong lon ewe Leni mi Pin iteiten rän ar repwe föri ar angang.