Ipru 6:8 - Chuukese Bible

⁸ Nge ika ewe pwül a amärätä iräfölüföl me pötöwölingau, esap fokun wor lomotan. A fetal ngeni chök an epwe anümamau me ren Kot, nge feilfeil epwe karala ren ekkei.

Ipru 6:8 Iomraidhean Croise

Keneses 4:11

Iwe, kopwe nom fän anümamau o kasüela seni ei fanü mi amasawala awan pwe epwe ünümi chan pwiüm we ka niela.

Keneses 5:29

A aita ngeni Noa o apasa, “Ätei epwe angasakich seni weiresin angangen pöüch, pokiten ewe pwül a anümamau me ren ewe Samol mi Lapalap.”

2. Samuel 23:7

Nge are eman aramas a ionifengeniir, a aea mächä ika ilon efoch siles, mürin ra kekkila.”

Hiop 31:40

mürin iräfölüföl repwe märitä won, nge sap wiich, pwal fetilingau, nge sap parli.” Än Hiop kewe kapas ra müchüla.

Kölfel 107:34

A awili eu fanü mi pwülüöch ngeni eu fanüapö mi uren salt, pun chon ewe fanü ra föföringau.

Aisea 27:4

Üsap chüen song ngeni ewe tanipin wain. Are iräfölüföl me pötöwölingau repwe mär, üpwe äteriir o kenirela meinisin.

Jeremaia 17:6

A wewe ngeni efoch iräkis lon fanüapö. Esap fokun tori och feiöch. Epwe nom lon ekewe leni mi pwasapwas me lon ewe fanüapö, lon eu fanü mi wor salt lon, eu fanü esap so.

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Isikiel 20:47

Kopwe üreni wöllapen ewe fanü mi nom ör, pwe epwe aüselinga aloi ngang Kot ewe Samol mi Lapalap: Nengeni, üpwe keni eu ekkei me lukalapom. Iwe, epwe kenala om kewe irä meinisin, ekewe irä manau pwal ekewe irä pwas. Ngetengetan esap kunula. Nge ekewe aramas meinisin seni ör tori efeng repwe mefi pwichikaren ewe ekkei.

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Mateus 25:41

Mürin epwe üreni chokewe mi nom lepelimöngun, ‘Oupwe feil seniei, ämi chon anümamau, oupwe feila lon ewe ekkei esekun a fen amol fän iten Tefil me nöün chon läng kana!

Mateus 3:10

Ewe kouk a fen molotä pwe epwe pöküela ekewe irä tori warer. Irä meinisin resap uani ua mi mürina repwe pöküpök o koturulong lon ekkei.

Mateus 7:19

Iwe, ekewe irä resap uani ua mi mürina repwe pöküpök o koturulong lon ekkei.

Markus 11:14

Mürin Jesus a fos ngeni ewe irä, “Esap fokun wor eman epwe mongösefäl uomw.” Iwe, nöün kewe chon kaiö ra rong ekei kapas.

Markus 11:21

Iwe, Petrus a chechemeni mine a fis, iei mine a üreni Jesus, “Sense, nengeni ewe irä fiik ka anümamaua a pwasala.”

Johannes 15:6

Iö esap nonom loi, epwe koturula usun efoch palen irän wain o epwe pwasala. Ekei sokun palan repwe ioifengen o koturulong lon ekkei pwe repwe karala.

Tuteronomi 29:28

Iwe, ewe Samol mi Lapalap a wiiretä seni fanüer lon an song me chou me lingeringer watte o monerela lon pwal eu fanü, usun a fis ikenai.’

Ipru 10:27

Nge sipwe chök witiwit fän niuokus ren ewe Ränin Kapwüng me afeiengauen ewe ekkei epwe arosala chokewe mi ü ngeni Kot.

Ipru 12:17

Iwe, oua silei pwe a mochen angei feiöchün me ren saman me mürin, nge esap chüen tongeni angei. Esap chüen küna efoch alen an epwe siwilisefäli mine a fen föri, inamwo ika a kütta ewe feiöch fän chönün mesan.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.