Ipru 6:7 - Chuukese Bible

⁷ Kot a afeiöchü ewe pwül mi ünümi ewe üt a püngütiu won fän chomong, pwe a amärätä irä mi lomot ngeni chokewe ewe pwül a molotä fän iter.

Ipru 6:7 Iomraidhean Croise

Keneses 1:11

Mürin a pwal apasa, “Fanü epwe amärätä fetil me iräkis mi püsin afisätä föür, pwal sokun irä mi ukua, a pwal wor föür lor, pwe repwe püsin sokuni sokur won fanüfan.” Iwe, a fis.

Keneses 27:27

Iwe, lupwen Jakop a kineto o mitiri, saman we Isaak a tini pwoon üfan, a afeiöchü o apasa, “Pwoon nei a usun chök pwoon eu mälämäl ewe Samol mi Lapalap a afeiöchü.

Kölfel 126:6

Eman mi feila fän kechü o uwei föün irä pwe epwe fotuki, epwe liwinto fän mweireiren pwapwa o uwato kinian ua.

Kölfel 24:5

Ewe Samol mi Lapalap epwe afeiöchüür. Kot epwe pwärätä pwe ra pwüng o amanaueer.

Aisea 44:3

Üpwe ninätiu koluk won fanüen chon kaka, üpwe pwal apupu chanpupu lon leni mi pwasapwas. Iwe, üpwe anomu Ngüni won mwirimwirum kana, pwal ai feiöch won noum kana.

Isikiel 34:26

Üpwe uwato feiöch wor, pwal won ewe fanü ünükün chuki mi pin, üpwe apüngätiu üt lon fansoun fich, nge ewe üt epwe eu ütten feiöch.

Osea 10:12

Oupwe tuw ämi pwül esamwo tu me mwan. Oupwe amora pwüng fän itemi pwe oupwe kini ewe ua tong ellet. Pun a tori fansoun ämi oupwe kütta ewe Samol mi Lapalap tori epwe war o awarato manau womi.

Lifitikos 25:21

Ewe Samol mi Lapalap epwe tinato an feiöch womi lon ewe awonuen ier, pwe ewe fanü epwe efisätä ua fän iten ükükün ülüngat ier.

Malakai 3:10

Oupwe uwato unusen ämi leengol lon ewe imwenfel, pwe epwe wor mongö lon imwei we. Ren ei oupwe sotuniei ika üsap suki ekewe asammwachon läng fän itemi o ninätiu womi chomong sokun feiöch mi somwola.

Mateus 7:8

Pun iö a tütüngor epwe angei och. Iö a küküt epwe künakün, nge iö a fichifich, epwe wor asam mi suk ngeni.

2. Timoty 2:6

Eman chon tanipi mi föri an angang weires epwe akomwen angei wisan seni uän ewe räs.

James 5:7

Iei mine ämi pwii kana, oupwe mosonotam tori ach Samol epwe war. Oupwe nenengeni usun än eman chon tanipi mosonotam le witiwiti pwe fanüan epwe awora ua mi fokun aüchea. A mosonotam le witiwit an epwe püngütiu ewe üten leräs me üten lefeng.