Ipru 6:5 - Chuukese Bible

⁵ Ra silei seni mine a fis ngeniir, pwe än Kot kapas a mürina o ra mefi ekewe manamanen ewe fansoun epwe feito.

Ipru 6:5 Iomraidhean Croise

Kölfel 34:8

Oupwe neni o nengeni pwe ewe Samol mi Lapalap a kirikiröch. Ra feiöch ätekewe mi eäni i lenien op.

Mateus 12:32

Iö a apasa och kapasen ü ngeni Nöün Aramas a tongeni musala. Nge iö a apasa och kapasen ü ngeni Ngünmifel esap fokun musala lon ei fansoun ikenai tori feilfeilachök.

Markus 6:20

Iwe, Herotes a meniniti Johannes, pun a silei pwe i eman mwän mi pwüng o pin, iei mine a tümwünü, pwe esap tori feiengau. Herotes a sani an epwe rongorong ngeni än Johannes afalafal, inamwo ika a tolong lon watten osukosuk, lupwen a rongorong ngeni.

Lukas 8:13

Ekewe pwükil mi mworotiu lon lenien föüföü ra wewe ngeni chokewe mi rongorong kapasen Kot o etiwa fän pwapwa. Nge pokiten ewe kapas esap tongeni warar lor, ra chök lükü lon fansoun mochomoch. Nge lupwen fansoun sosot a toriir, ra müttir kuf.

Efisos 6:17

Oupwe angei ewe Manau pwe ina imwemi akau, pwal ewe kapasen Kot pwe ina nöümi ketilas ewe Ngünmifel a ngenikemi.

Ipru 11:3

Ren ach lükü sia tongeni weweiti pwe läng me fanüfan ra för ren än Kot kapas, pwe mine sia tongeni küna a fisitä ren mine sisap tongeni küna.

Ipru 2:5

Iwe, Kot esap awisa ngeni ekewe chon läng pwe repwe nemeni ewe fanüfan mi fö epwe fisitä, iei ewe fanüfan sia fen kapas usun.

Ipru 4:12

Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.

1. Petrus 1:25

Nge än ewe Samol kewe kapas repwe nonom tori feilfeilachök.” Ei kapas iei ewe Pworausen Manau ra aronga ngenikemi.

1. Petrus 2:3

Usun a mak lon ekewe Toropwe mi Pin, “Ämi oua püsin neni pwe ewe Samol a kirikiröch.”

2. Petrus 2:20

Are aramas ra sü seni limengauen tipisin ei fanüfan ren ar silei ach Samol me Chon Amanau Jesus Kraist, nge mürin ra tupusefälilong lon o kuf rer, ekei sokun aramas repwe feiengau lesopolan lap seni lepoputän.