Ipru 6:16 - Chuukese Bible

¹⁶ Are eman aramas a eäni eu akapel, a akapelü iten eman mi tekia seni püsin i. Iwe, ei akapel a alükülükü met a pwon o aükätiu än aramas anini meinisin.

Ipru 6:16 Iomraidhean Croise

Keneses 14:22

Nge Apram a üreni ewe kingen Sotom, “Üa akapel ngeni ewe Samol mi Lapalap, ewe Kot mi Unusen Tekia, a föri läng me fanüfan,

Keneses 21:23

Iei mine kopwe pwon fän akapel ngeniei ikenai me fän mesen Kot, pwe kosap angangingau ngeniei are ngeni nei kewe are pwal ngeni mwirimwiri kewe. Usun ngang üa kirikiröch ngonuk, iei usun en kopwe pwal kirikiröch ngeniei, pwal ngeni ewe fanü ia ka wasöla lon.”

Keneses 21:24

Nge Apraham a üreni, “Ina, üpwe pwon fän akapel ngonuk.”

Keneses 31:53

Än Apraham me Nahor we Kot, än semer we Kot epwe souapwüng lefilach.” Mürin, Jakop a pwon fän akapel fän iten ewe chök Kot Isaak a niueiti, pwe epwe apwönüetä ewe pwon.

2. Samuel 21:2

Ekewe chon Kipeon sap ir aramasen Israel, nge ir chokewe mi chüen manau me lein ekewe chon Amor. Ekewe aramasen Israel ra pwon fän akapel pwe repwe tümwünüür, nge Saul a ekiekin aroserela lon an tiliken fän iten ekewe aramasen Israel me Juta. Iwe, ewe king Tafit a titi ekewe chon Kipeon

Ekistos 22:11

ewe chon tümwünü ewe man epwe feila lon imwenfel o eäni eu akapel pwe esap angei nöün chon arun man. Iwe, ewe mine nöün ewe man epwe lükü ewe akapel, nge ewe mi tümwünü ewe man esap mönätiu liwinin.

Kalatia 3:15

Ämi pwii kana, üpwe eäni eu pworausen awewe usun nonomun aramas: Lupwen ruoman aramas ra tipeeufengen won och o saini eu toropwen atipeeu, esap fokun wor eman a tongeni atai ewe toropwen atipeeu ika apacha och ngeni mürin an sain.

Ipru 6:13

Iwe, lupwen Kot a pwon ngeni Apraham, a pwon fän akapel pwe epwe apwönüetä. Pokiten esap wor eman mi tekia seni püsin i, a akapelü püsin itan.