Ipru 6:13 - Chuukese Bible

¹³ Iwe, lupwen Kot a pwon ngeni Apraham, a pwon fän akapel pwe epwe apwönüetä. Pokiten esap wor eman mi tekia seni püsin i, a akapelü püsin itan.

Ipru 6:13 Iomraidhean Croise

1. Kronika 16:16

A chechemeni ewe pwon a eäni ngeni Apraham, an pwon a eäni fän akapel ngeni Isaak.

Ekistos 32:13

Kopwe chechemeni noum kewe chon angang Apraham, Isaak, me Israel, pun ka pwon fän akapel ngeniir fän püsin itom o üreniir pwe kopwe achomongala mwirimwirir usun fün läng, kopwe pwal ngeni mwirimwirir unusen ewe fanü, pwe repwe fanüeni tori feilfeilachök usun ka fen pwon ngeniir.”

Aisea 45:23

Iwe, üa püsin akapelüei, nge kapasen awei a let, esap pwal siwil, ‘Aramas meinisin repwe feito o fotopwäsuk ngeniei, nge ir meinisin repwe pwon fän akapel, pwe repwe allükülük ngeniei.’

Jeremaia 22:5

Nge are ousap aleasochisi ekei kapas, üa püsin akapelüei pwe ei imwen king epwe wiliti eu imw mi tala. Ngang ewe Samol mi Lapalap üa kapas.’

Jeremaia 44:26

Nge oupwe rongorong, ämi chon Juta meinisin mi nonom lon ei fanü Isip, mine ngang ewe Samol mi Lapalap üa apasa: Üa pwon fän akapel itei mi lapalap, pwe esap wor eman chon Juta mi nom lon unusen ei fanü Isip epwe föüni itei o eäni ei akapel, ‘Mwo manauen Kot ewe Samol mi Lapalap.’

Jeremaia 49:13

Üa pwon fän akapel itei pwe ewe telinimw Posra epwe wiliti och minen eniweniw me eu leni mi pön, aramas repwe turunufasei o leaweni lon ar kapasen ottek. Nge ekewe telinimw ünükün repwe pönüla tori feilfeilachök. Ngang ewe Samol mi Lapalap üa kapas.”

Isikiel 32:13

Üpwe arosala noumw pwiin kow mi nom ünükün ekewe chanpupu. Iwe, esap chüen wor eman aramas ika man epwe fetal lon o apölökü.

Mika 7:20

Kopwe pwäri om allükülük me tong ellet ngeni äm noum kei aramas, äm mwirimwirin Apraham me Jakop usun ka pwon fän akapel ngeni äm kewe lewo lon ekewe fansoun lom.

Lukas 1:73

A pwon fän akapel ngeni semelapach Apraham

Kalatia 3:15

Ämi pwii kana, üpwe eäni eu pworausen awewe usun nonomun aramas: Lupwen ruoman aramas ra tipeeufengen won och o saini eu toropwen atipeeu, esap fokun wor eman a tongeni atai ewe toropwen atipeeu ika apacha och ngeni mürin an sain.

Kalatia 3:18

Pun are än Kot we lifang epwe longolong won ekewe Allük, mürin esap chüen longolong won än Kot pwon. Nge Kot a ngeni Apraham ei lifang pokiten an we pwon.

Tuteronomi 1:8

Nengeni, üa ngenikemi ewe fanü. Oupwe tolong o fanüeni ewe fanü ngang ewe Samol mi Lapalap üa pwon fän akapel pwe üpwe ngeni ämi kewe lewo Apraham, Isaak me Jakop, pwal ngeni mwirimwirir kana.’”