Ipru 6:11 - Chuukese Bible

¹¹ Äm aia fokun mochen, pwe eman me eman leimi epwe chök achocho tori sopolan, pwe ekewe mettoch oua apilükülükü repwe pwönüetä.

Ipru 6:11 Iomraidhean Croise

Aisea 32:17

Iwe, uän pwüng kinamwe, nge esenipaen pwüng nonomöch me lükülük tori feilfeilachök.

Mateus 24:13

Nge iö epwe likitü tori lesopolan epwe küna manau.

Lukas 1:1

Achengicheng en olowe Teofilus: Chomong aramas ra achocho le makkei pworausen ekewe mettoch mi fisitä lefilach.

Nöün Paulus Toropwe ngeni ekewe Souläng lon Rom 12:8

Are eman a tufichin apöchöküla letipen aramas, epwe föri iei usun. Iö a eäni ewe tufichin alisi aramas, epwe föri seni unusen letipan, iö a eäni ewe tufichin nemenem, epwe achocho le angang, iö a wor ren ewe tufichin eäni kirikiröch ngeni aramas, epwe föri fän pwapwan letipan.

Nöün Paulus Toropwe ngeni ekewe Souläng lon Rom 15:13

Nge ewe Kot, i popun ämi apilükülük, epwe aurakemi ren watten pwapwa me kinamwe ren ämi lükü i, pwe ämi apilükülüköch epwe säsewu ren manamanen Ngünmifel.

1. Korint 13:13

Iei usun ekei ülüngat repwe nonomola: lükülük, apilükülüköch me chen, nge chen a lapalap seniir.

1. Korint 15:58

Iei mine ämi pwii kana mi achengicheng, oupwe apposakemi, ousap mwöküt seni ämi souläng. Oupwe alapalafochei ämi achocho lon ewe angangen ach Samol, pun oua silei pwe esap lomotongau ämi angang lon ach Samol.

Kalatia 5:5

Nge kich sia apilükülükü pwe Kot epwe föri pwe sipwe küna pwüng me ren. Iei met sia witiwiti ren ewe manamanen Ngünün Kot mi angang loch ren ach lükülük.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

Filipi 3:15

Kich meinisin mi eäni mirit lon ach souläng sipwe ekiekipökü usun ekei mettoch. Nge are ekoch leimi a sokola ar ekiek, Kot epwe afatöchü ngenikemi.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Kolose 1:5

Lupwen ewe Pworausen Manau mi enlet a akomwen torikemi, oua rongorong usun ewe apilükülük mi pop seni ewe Pworausen Manau. Iei mine ämi lükülük me chen a longolong won met oua apilükülükü a iseis lon läng fän itemi.

Kolose 2:2

Popun ai föri ei, pwe letiper epwe pöchökületä, repwe pwal tipeeufengen lon chen, pwe repwe mefi unusen aüchean ar weweöchiti o silei ewe monomonen Kot, iei i Kraist.

1. Tesalonika 1:5

Pun aia uwato ewe Pworausen Manau ngenikemi, sap lon kapas chök, nge ren manaman me Ngünmifel, pwal ren äm wesewesen lükü pwe a let ewe kapas. Ämi oua silei ifa usun nonomum lupwen aia nonom remi lon fansoun äm alisikemi.

1. Tesalonika 4:10

Enlet, oua fen echeni pwimi kewe souläng meinisin lon Masetonia. Iei mine pwiim kana, aia tüngormau ngenikemi, oupwe alapala ämi echenifengenikemi lefilemi.

2. Tesalonika 3:13

Nge ämi pwiim kana, ousap fokun chipwangela lon ämi föföröch.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Josua 7:3

ra liwiniti Josua o üreni, “Kosap tinala ekewe aramas meinisin pwe repwe maun ngeni Ai. Kopwe chök mwütätä ükükün ruu ika ülüngat ngeröü mwän repwe feila o maun ngeni. Kosap aweiresi ekewe aramas meinisin le tinirela ikenan, pun chon Ai ra chokükün.”

1. Petrus 1:21

Pokiten Kraist oua lükü Kot, ewe mi amanauasefäli i seni mäla o ngeni lingan. Iei mine ämi lükülük me ämi apilükülük a nom won Kot.

2. Petrus 1:10

Iei mine ämi pwii kana, oupwe fokun achocho le anüküchara ämi kö me fil, pun are oupwe föri iei usun, ousap fokun tur lon tipis.

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.

1. Johannes 3:14

Kich sia silei, pwe sia towu seni mäla o tolong lon manau, pun sia echeni pwiich kana. Eman esap echeni pwiin a chüen nonom fän nemenien mäla.

1. Johannes 3:19

Iwe, iei usun sia silei pwe sia pop seni ewe let. Iei usun sipwe pwal eäni apilükülük mwen mesen Kot.

Pwärätä 2:26

Iö mi pwora ngeni mine a ngau o sopwela le föri letipei tori lesopolan, üpwe ngeni nemenem won ekewe mwü,