Ipru 6:10 - Chuukese Bible

¹⁰ Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

Ipru 6:10 Iomraidhean Croise

Nehemia 13:22

Iwe, üa allük ngeni ekewe mwän seni ewe ainangen Lefi, pwe repwe püsin alimöchüür, repwe feito o mamasa ekewe asamalap, pwe aramas repwe pinini pinin ewe ränin sapat. Ai Kot, kopwe chechemeniei fän äsengesin pwal ei föför üa föri, kopwe ümöümöch ngeniei lon om tong ellet mi fokun lapalap.

Nehemia 13:31

Iwe, üa pwal akota fansoun ineet ekewe aramas repwe uwato amwüchün ekewe asor me ekewe mwen ua. Ai Kot, kopwe chechemeni ei o afeiöchüei.

Nehemia 5:19

Ai Kot, kopwe chechemeni meinisin mine üa föri fän iten ekei aramas o afeiöchüei.

Kölfel 20:3

Amwo epwe etiwa om kewe asor meinisin o pwapwaäsini om kewe asoren kek.

Ekistos 1:20

Iwe, Kot a afeiöchü ekewe chon afamw. Nge ekewe aramasen Israel ra chomongola o pöchökülela.

Än Salomon Fos 14:31

Eman mi ariaföüü ekewe chon wöüngau a esita ewe Chon Föriir, nge ätewe mi kirikiröch ngeni ekewe chon mwelele a asamolu Kot.

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Än Salomon Afalafal 11:1

Kopwe fangafangöch ngeni aramas, pun mürin chomong rän kopwe angei liwinin.

Jeremaia 18:20

Ifa usun, föför mürina epwe liwin ngeni ngau? Nge ir ra tuw eu pwang fän itei. Kopwe chechemeni ai ütä fän mesom, pwe üpwe kapas mürina fän iter o akulu seniir om lingeringer.

Jeremaia 31:16

Kopwe ükütiu le kechü o tölüpwasei mesom, pun om angang fän iten noum kewe epwe wor lomotan, repwe liwinto seni fanüen chon oputer.

Mateus 10:42

Are eman a aünü ngeni eman ekei kükün eu mwo chök kapen koluk mi patapat pokiten an tapweto müri, enlet, üpwe ürenikemi, epwe fokun angei liwinin.”

Mateus 20:7

Ra pölüeni, ‘Esap wor eman a mönikem.’ Iwe, a üreniir, ‘Oupwe pwal feila o angang lon ewe tanipin wain.’

Mateus 25:17

Ina chök usun ewe mi angei ruungeröü, a pwal anganga ewe moni, pwe manauan a tori pwal ruungeröü.

Markus 9:41

Enlet, üpwe ürenikemi, are eman epwe aünü ngenikemi eu kapen koluk, pokiten oua chon tapwela mürin Kraist, i epwe fokun angei liwinin.”

Johannes 13:20

Enlet, üpwe wesewesen ürenikemi: Iö a etiwa ewe ngang üa tinala, a etiwaei, nge iö a etiwaei a etiwa ewe mi tinieito.”

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Föför 10:4

Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

Föför 11:29

Iwe, ekewe chon lükü Jesus ra tipeeufengen, pwe än eman me eman leir alilis won ükükün an tongeni epwe titila ngeni pwiir kewe chon lükü mi nom lon Jutea.

Nöün Paulus Toropwe ngeni ekewe Souläng lon Rom 12:13

Oupwe alisi pwimi kewe souläng mi osupwang, oupwe etiwaöchü ekewe wasöla.

2. Korint 9:1

Iwe, esap wor lomoten ai üpwe mak ngenikemi usun ewe alilis epwe titila ngeni ekewe chon pin lon Jutea.

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

Kalatia 6:10

Iei mine lupwen mi wor ach fansoun fich, sipwe eäni kirikiröch ngeni aramas meinisin, nge akaeuin ngeni chokewe mi nom lon ewe familien chon lükülük.

Tuteronomi 32:4

I ewe achau, an föför ra unusen mürina, pun an kewe al meinisin ra pwüng. I eman Kot mi allükülük, esap wor an mwäl, a pwüng o wenechar.

Kolose 3:17

Iwe, meinisin mine oupwe föri ika apasa, oupwe föri fän iten ach Samol Jesus o oupwe kilisou ngeni Samach Kot ren i.

1. Tesalonika 1:3

Pun aia chechemeni me mwen ach Kot i Samach usun ämi lükülük mi pwä lon ämi föför, usun ämi tong mi pwä lon ämi angang weires, pwal usun ämi apilükülüköch mi nüküchar lon ach Samol Jesus Kraist.

1. Timoty 6:18

Kopwe allük ngeniir, pwe repwe föri mine a mürina, pwe repwe pisekisek lon ar föför mürina, repwe kichiöch o mochen alisi aramas.

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

Ipru 10:32

Oupwe chechemeni mine a fis ngenikemi me lom. Lon ekewe rän, mürin än Kot saram a tin lomi, oua küna chomong sokun riaföü, nge ousap kuf lon ekewe weires oua tolong lon.

Ipru 13:16

Ousap manlükala ämi oupwe föri föför mi öch o alilisfengen lefilemi, pun ena sokun asor Kot a pwapwa ren.

1. Johannes 1:9

Nge are sia pwärätä ach tipis ngeni Kot, i epwe apwönüetä an pwon o föri mine a pwüng: Epwe amusala ach tipis o limetikich seni ach pwüngingau meinisin.