Ipru 5:9 - Chuukese Bible

⁹ Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

Ipru 5:9 Iomraidhean Croise

Kölfel 45:17

Üpwe pwärala om iteföüla seni eu täppin aramas tori pwal eu täppin. Iei mine chon ekewe mwü repwe mwareituk tori feilfeilachök.

Kölfel 51:6

Ellet, ka pwapwaäsini letip wenechar. Kopwe aiti ngeniei ewe tipachem mi monomon.

Kölfel 51:8

Kopwe mwüt ngeniei pwe üpwe rongorong mweireiren pwapwa me meseik. Kopwe pwal mwüt ngeniei ai üpwe pwapwa, inamwo ika ka kupi chüi.

Aisea 45:22

Oupwe kulitiei, ämi aramasen fanüfan meinisin, pwe oupwe küna manau. Pun ngang Kot, esap pwal wor eman lüki.

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Aisea 50:10

Iö leimi a niueiti ewe Samol mi Lapalap o aleasochisi alon nöün we chon angang? Ätewe mi fetal lon rochopwak, nge esap küna och saram, epwe chök lükü ewe Samol mi Unusen Manaman o apilükülükü an we Kot.

Aisea 55:3

Oupwe aü selingemi o feito rei. Oupwe rongorong pwe ngünümi epwe manau. Iwe, ngang üpwe föri eu pwon esemüch ngenikemi o apwönüetä ai ümöümöch me tong usun üa fen pwon ngeni Tafit.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Sekaraia 6:15

Iwe, chokewe mi nom lon fanü toau repwe feito o alilis le aüetä Imwenfelin ewe Samol mi Lapalap, nge ämi oupwe silei pwe ewe Samol mi Unusen Manaman a tinieito remi. Ei epwe fis, are oupwe wesewesen aleasochis ngeni alon ewe Samol mi Lapalap ämi we Kot.

Mateus 17:5

Lupwen Petrus a chüen kakapas, eu kuchu mi saramaram a anürürela o eu mangüngü seni lon ewe kuchu a apasa, “Iei i nei mi achengicheng üa fokun pwapwa ren, oupwe aüselinga!”

Lukas 13:32

Jesus a pölüeniir, “Oupwe feila o üreni ena foks, ‘Ngang üa asüela anün rochopwak o apöchöküla aramas ikenai me lesor, nge lon ewe aülüngatin rän üpwe awesala ai we angang.’

Johannes 19:30

Lupwen Jesus a wes me ün ewe wain, a apasa, “A wesila!” Mürin a rotiu o mäla.

Föför 3:15

Ämi oua niela ätewe mi emweni aramas ngeni manau. Nge Kot a amanauasefäli seni mäla o äm aia chon pwärätä pwe a fis ei.

Föför 4:12

Aramas repwe küna manau ren Jesus chök. Pun esap fokun wor pwal eu it won fanüfan Kot a ngeni aramas, pwe sipwe küna manau ren.”

Föför 5:32

Äm chon pwärätä ekei mettoch pwal Ngünmifel, i ewe Kot a ngeni chokewe mi aleasochis ngeni.”

Nöün Paulus Toropwe ngeni ekewe Souläng lon Rom 1:5

Ren Jesus Kraist, Kot a ngeniei ewe ümöümöch, pwe üpwe wiseni ewe wisen soukünö fän itan, pwe üpwe emweni aramasen ekewe mwü meinisin pwe repwe lükü i o aleasochis ngeni.

Nöün Paulus Toropwe ngeni ekewe Souläng lon Rom 10:16

Nge sap aramas meinisin ra etiwa ewe Pworausen Manau. Aisea a püsin apasa, “Ai Samol, iö a lükü ewe kapas sia aronga?”

Nöün Paulus Toropwe ngeni ekewe Souläng lon Rom 15:18

Pun üsap mochen kapas usun och mettoch, nge üpwe chök kapas usun met Kraist a föri rei lon ai emweni ekewe chon lükün Israel pwe repwe aleasochisi Kot. A föri ei ren ai kewe kapas me föför,

Nöün Paulus Toropwe ngeni ekewe Souläng lon Rom 2:8

Nge pwal ekoch ra chök kütta püsin feiöchür, ra oput mine a let o ra föri mine ese pwüng. Iwe, Kot epwe tinatiu an song me lingeringer wor.

Nöün Paulus Toropwe ngeni ekewe Souläng lon Rom 6:17

Nge kilisou ngeni Kot, pwe inamwo ika oua chon angang ngeni tipis me lom, nge iei ren unusen letipemi oua aleasochis ngeni mine a let seni lon ewe afalafal oua rongorong.

2. Korint 10:5

Äm aia awesi ekewe kapas mi mwäl o ataetiu ekewe leni mi tekia meinisin mi epeti än aramas repwe silei Kot. Aia liapeni sokun ekiekin aramas meinisin, pwe repwe aleasochis ngeni Kraist.

Filipi 2:12

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,

2. Tesalonika 1:8

epwe pwal feito ren ngetengeten ekkei, pwe epwe apwüngü chokewe mi pöütala Kot, resap pwal aleasochis ngeni ewe Pworausen Manau usun ach Samol Jesus.

2. Tesalonika 2:16

Püsin ach Samol Jesus Kraist me Samach Kot, ewe mi echenikich o fang ngenikich chipen letipach fansoun meinisin pwal ach apilükülüköch ren an ümöümöch,

2. Timoty 2:10

Iei mine üa likitü lon ekei riaföü meinisin fänäsengesin nöün Kot kewe mi fil, pwe pwal ir repwe küna ewe manau a nom lon Kraist Jesus me ewe ling esemüch.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Ipru 11:40

pun Kot a akota och mi fokun mürina fän itach, pwe repwe chök tongeni unusöchüla lupwen kich sipwe unusöchüla.

Ipru 11:8

Ren än Apraham lükü, a aleasochisi Kot lupwen a köri pwe epwe towu seni fanüan o feila ngeni eu fanü Kot a pwon ngeni pwe epwe fanüeni. A feila seni fanüan, nge esap silei ia epwe feila ie.

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

Ipru 2:10

A fokun pwüng pwe Kot, ewe mi föri o tümwünü mettoch meinisin, a föri pwe Jesus epwe unusöch ren an riaföü fän iten an epwe emwenato chomong nöün, pwe repwe eti i lon an ling. Pun Jesus ewe mi emweniir ngeni ar repwe küna manau.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

Ipru 9:12

Lupwen Kraist a tolong lon ewe imwenfel seni mangaku, a tolong lon ewe Leni mi Unusen Pin fän eu chök, nge a naf ngeni fansoun meinisin. Iwe, esap uwalong chaan kuuch me chaan ätemwänin kow, pwe epwe eäni asor, nge a uwalong püsin chaan, pwe epwe angasakich seni ach tipis tori feilfeilachök.

Ipru 9:15

Iei popun Kraist a wisen chon afförün ewe pwon mi fö, pwe chokewe Kot a köriir repwe angei ewe feiöch esemüch, Kot a fen pwon. Ei a tongeni fis, pun Kraist a mäla pwe epwe angasa aramas seni ar tipis kana ra föri fän ewe aeuin pwon.

Ipru 9:28

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

1. Petrus 1:22

Iwe, pokiten oua alimöchükemi ren ämi aleasochisi mine a let o oua eäni tong enlet ngeni pwiimi kewe souläng, oupwe wesewesen echenifengenikemi ren unusen lelukemi.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.

Jutas 1:21

Iwe, oupwe püsin tümwünükemi lon än Kot chen lupwen oua witiwiti ach Samol Jesus Kraist pwe epwe ngenikemi manau esemüch lon an ümöümöch.