Ipru 5:7 - Chuukese Bible

⁷ Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

Ipru 5:7 Iomraidhean Croise

Kölfel 22:24

Pun Kot esap aliwini eman mi mwelele ika oput eman mi nom lon riaföü. Esap amona mesan seni, nge a pälüeni, lupwen a siö ngeni.

Kölfel 69:1

Ai Kot, kopwe amanauaei! Pun ekewe koluk ra feitä tori fän üei.

Kölfel 88:1

Ai Samol mi Lapalap, ai Kot mi amanauaei lerän me lepwin, üa siö ngonuk pwe kopwe alisiei.

Aisea 49:8

Iei alon ewe Samol mi Lapalap ngeni nöün kewe aramas, “Lon fansoun öch üa aüselinga ämi siö, lon ränin küna manau üa pwal alisikemi. Üpwe tümwünükemi o föri remi eu pwon ngeni aramasen fanüfan meinisin. Ei üpwe föri pwe oupwe tongeni fanüenisefäli fanüemi mi tala iei.

Aisea 53:11

Iwe, wesin an riaföü lon manauan epwe eäni ewe saramen manau o pwapwa ren. Nge ren an silei Kot nei chon angang mi pwüng epwe afisätä än chomong aramas pwüng, epwe pwal uwei ar tipis.

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Lifitikos 2:2

Iwe, epwe uwato ren ekewe souasor nöün Aaron kewe mwän. Nge ewe souasor epwe tukei ekumwuch seni ewe pilawa mi amas o mürina fiti ewe apüra me unusen ewe apach mi pwokus o kenala me won ewe rongen asor, iei asisilan pwe a asor meinisin. Pun ei eu asor ewe Samol mi Lapalap a efich pwoon.

Mateus 27:46

Ina epwe kulok ülüngat Jesus a kökkö fän leüömong, “Eli, Eli, lama sapaktani? wewen: Ai Kot, ai Kot, pwota ka likitieila?”

Mateus 27:50

Jesus a kökkösefäl fän leüömong, iwe, a mäla.

Markus 15:34

Iwe, kulok ülüngat Jesus a kökkö fän mwelian mi leüömong, “Eloi, Eloi, lama sapaktani!” wewen “Ai Kot, ai Kot, pwota ka likitieila?”

Markus 15:37

Iwe, Jesus a leüömong le puchör, mürin a mäla.

Lukas 23:46

Mürin Jesus a kökkö fan mwelian mi leüömong, “Semei, üa atolonga ngüni lepoumw.” Wesin an apasa ei a mäla.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 11:35

Iwe, Jesus a kechü.

Johannes 11:42

Ngang üa silei pwe ka aüselingaei fansoun meinisin. Nge iei üa apasa ei fänäsengesin ekewe aramas mi ü ikei, pwe repwe lükü pwe en ka tinieito.”

Johannes 17:1

Mürin än Jesus apasa ekei kapas, a anetai mesan ngeni läng o a apasa, “Semei, a tori ewe otun. Kopwe alingala Noumw, pwe Noumw epwe pwal alingala en.

Nöün Paulus Toropwe ngeni ekewe Souläng lon Rom 8:3

Iwe, mine ewe Allük esap tongeni föri pokiten fitukach a apwangapwang, Kot a föri: A ngeni tipis liwinin lon fituken Nöün we, ren an tinato püsin Nöün lon lapalapen aramas usun eman aramas tipis, pwe epwe eu asoren tipis.

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

Ipru 10:10

Pokiten Jesus Kraist a föri mine Kot a mochen pwe epwe föri, kich meinisin sia küna limöch seni tipis pun a eäni asor püsin inisin fän eu chök, nge a naf ngeni fansoun meinisin.

Ipru 10:5

Iei mine, lupwen Kraist epwele feito fanüfan a üreni Kot, “Kosap mochen ekewe asor me lifang, nge ka ngeniei eu inis.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ipru 12:28

Iei mine ousipwe kilisou, pun sia mwüni eu mwü esap tongeni siwil. Ousipwe kilisou o fel ngeni Kot fän suföl me menin lon eu lapalap i epwe pwapwa ren,

Ipru 13:20

Iwe, ewe Koten kinamwe mi amanauasefäli ach Samol Jesus seni mäla ren chaan ewe pwon mi nom tori feilfeilachök, i ewe Chon Masen sip mi fokun tekia,

Ipru 2:14

Pokiten ekei nau, ir aramas seni fituk me cha, püsin Jesus a wiliti aramas usun ir o sokuni sokur. A föri ei, pwe ren an mäla epwe atala manamanen Tefil a eäni nemenem won mäla.

1. Johannes 4:3

Nge iteiten ngün a amamäsini ei pworaus usun Jesus esap feito seni Kot. Iei i ngünün ewe Pölüen Kraist, oua fen rong pwe epwe war, nge iei a fen nom won fanüfan.

2. Johannes 1:7

Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist.