Ipru 5:4 - Chuukese Bible

⁴ Esap wor eman a seikätä püsin i an epwe wiseni ewe wisen souasor mi lap. Nge Kot echök a seikätä eman aramas an epwe wiseni ewe wisen souasor mi lap, usun chök mine a fis ngeni Aaron.

Ipru 5:4 Iomraidhean Croise

1. Kronika 23:13

Nöün Amram kewe mwän: Aaron me Moses. Iwe, Aaron me mwirimwirin kewe ra imwüla tori feilfeilachök, pwe repwe wisen tümwünü ekewe pisek mi unusen pin, repwe keni apach mi pwokus lupwen ar fel ngeni ewe Samol mi Lapalap, repwe pwal angang ngeni o afeiöchü ekewe aramas fän itan tori feilfeilachök.

2. Kronika 26:18

Ra ü ngeni ewe king Usia o üreni, “Esap wisom Usia, pwe kopwe keni apach mi pwokus ngeni ewe Samol mi Lapalap, nge wisen chök ekewe souasor ir mwirimwirin Aaron kewe mi apinipinila pwe repwe keni apach mi pwokus. Kopwe towu seni ei imw mi pin, pun ka föri mine a ngau. Ei lapalap esap atoto womw iteüöch seni Kot ewe Samol mi Lapalap.”

Esra 7:5

Puki nöün Apisua, Apisua nöün Pinehas, Pinehas nöün Eleasar, nge Eleasar nöün Aaron ewe souasor mi lap.

Ekistos 28:1

“Iwe, kopwe körato reöm Aaron pwiüm we seni lein ekewe chon Israel fiti nöün kewe mwän iter Natap, Apihu, Eleasar me Itamar, pwe repwe angang ngeniei lon wisen souasor.

Lifitikos 8:2

“Kopwe emwenato Aaron me nöün kewe mwän leasamalapen ewe imw mangaku ia aramas ra churiei ie, kopwe pwal uwei ekewe üf, ewe löön epit, ewe nienifön ätemwänin kow fän iten asoren tipis me ekewe ruoman ätemwänin sip, pwal ewe chükün pilawa esap wor iis lon.

Numperis 16:10

Kot a mwüt ngenikemi me pwimi kewe seni ewe ainangen Lefi pwe oupwe kan ngeni. Nge iei oua pwal kütta ewe wisen souasor.

Numperis 16:35

Nge ekkei a feitiu seni ewe Samol mi Lapalap o kenala ekewe ruopükü lime mwän mi eäni ekewe asoren ötüöt.

Numperis 16:40

Iwe, ekei pisek repwe achema ngeni ekewe aramasen Israel, pwe esap wor eman epwe kanoto pwe epwe keni apach mi pwokus fän mesen ewe Samol mi Lapalap, chilon chök ekewe mwirimwirin Aaron, pwe esap fis ngeni usun mine a fis ngeni Kora me chienan kewe. Iwe, ra föri meinisin usun mine ewe Samol mi Lapalap a allük ngeni Moses fän iten Eleasar.

Numperis 16:5

Mürin a üreni Kora me chienan kewe meinisin, “Lesosorun lesor ewe Samol mi Lapalap epwe pwärätä iön nöün pwal iön a pin. Epwe pwal pwärätä iön a mwüt ngeni pwe epwe kan ngeni. Ätewe Kot a filätä epwe kan ngeni.

Numperis 16:7

Oupwe uwalong ekkei lor o iseis apach mi pwokus wor fän mesen ewe Samol mi Lapalap. Nge ätewe ewe Samol mi Lapalap epwe filätä, i epwe pin. Ämi kana mwän seni ewe ainangen Lefi oua kon alapala nemeniemi.”

Numperis 18:7

Nge ämi chök me noum kewe mwän oupwe föri angangen wisen souasor won ewe rongen asor, pwal angangen lon ewe rumw mi unusen pin. Iei wisemi, pun üa lifang ngenikemi ewe wisen souasor. Nge are eman me lükün epwe kan ngeni ewe imw mi pin, epwe ninnila.”

Numperis 3:3

Ir ätekewe mi kepit o afeiöch pwe repwe angang lon wiser wisen souasor.

Johannes 3:27

Johannes a pölüeni, “Esap wor eman a tongeni angei och are Kot esap ngeni.