Ipru 5:13 - Chuukese Bible

¹³ Eman mi chök ükün milik a chüen eman mönükol, esap tongeni sipeöch lon ewe kapasen pwüng.

Ipru 5:13 Iomraidhean Croise

Kölfel 119:123

Mesei ra toputopula ren ai aköürü om kopwe amanauaei, pwal ren ai aköürü om kopwe apwönüetä om kewe pwon mi pwüng.

Aisea 28:9

Iwe, ra apasa usi, “Iö ätei a ekiekin aiti ngeni ei pworaus? Iö ätei a mochen afalafala? Ifa usun, a ekieki pwe kich sa wewe ngeni semirit mi mwü seni oup?

Mateus 11:25

Iwe, lon ena fansoun Jesus a apasa, “Semei, en Samolun läng me fanüfan, üa kilisou ngonuk, pun ka amonomona ekei mettoch seni ekewe mi tipachem me silelap, nge ka pwärala ngeni ekewe tipate.

Markus 10:15

Enlet, üpwe ürenikemi, ‘Are eman esap etiwa Mwün Kot usun eman semirit, esap tongeni tolong lon.’”

Nöün Paulus Toropwe ngeni ekewe Souläng lon Rom 2:20

pwal eman chon öüröür fän iten ekewe mi tiparoch me eman sense fän iten chokewe resap mirit. Ka lükü, pwe pokiten a wor reöm ekewe Allük ka silei unusen mettoch meinisin o mine ka apasa a fokun let.

1. Korint 13:11

Lupwen ngang üa eman semirit, üa kapas usun eman semirit o ai memef me ekiek mefien semirit me ekiekin semirit. Nge iei lupwen üa mwän, üsap chüen usuni ususun eman semirit.

1. Korint 14:20

Ämi pwii kana, ousap wewe ngeni semirit lon ämi ekiek. Oupwe semirit lon föför mi ngau, nge oupwe mirit lon ämi ekiek.

1. Korint 3:1

Ämi pwii kana, üsap tongeni kapas ngenikemi usun ai üpwe kapas ngeni ekewe aramas mi eäni Ngünmifel. Nge üa kapas ngenikemi usun itä nge ämi soulängin fituk, usun semirit lon Kraist.

2. Korint 3:9

Are ewe angang mi atoto liwiningau ngeni aramas a ling, epwe fen ifan me watten ewe ling mi atoto ach pwüng?

Efisos 4:14

Mürin sisap chüen sokuni sokun semirit, sisap chüen chüwölüwölfeil ren no kana o mamaanfeil ren enienin asepwälin än chon likatuputup afalafal, ir ätekewe mi emweningaua ekoch aramas ren ar tunochofona.

2. Timoty 3:16

Iwe, kapasen lon ekewe Toropwe mi Pin meinisin ra pop seni Ngünün Kot, ra aüchea fän iten afalafala ewe kapas mi let, ra amiritikich, ra apwüngükich o aiti ngenikich usun ach sipwe manau fän pwüng,

1. Petrus 2:2

Oupwe usun chök ekewe mönükol mi upufö, fansoun meinisin oupwe fokun moneti ewe chönün oup mi wewe ngeni Kapasen Kot, esap nofit ngeni och, pwe ren ämi ün oupwe mämäritä o küna manau.

2. Johannes 1:11

Pun eman mi eäni kapongen kinamwe ngeni, a wiliti eman chiechian lon ekewe sokun föföringau a föriir.