Ipru 5:12 - Chuukese Bible

¹² A fen tori fansoun ämi oupwe sense, nge oua chüen osun än eman epwe asukulakemi ekewe lessen fän iten chon popuetä kaiö kapasen Kot. Ürürün pwe oupwe mongö mongö mi pöchökül, nge oua chüen chök ükün milik.

Ipru 5:12 Iomraidhean Croise

2. Samuel 16:23

Iwe, lon ena fansoun än Ahitofel öüröür a aüchea usun chök än Kot. Iei usun Tafit me Apsalom ra aücheani än Ahitofel öüröür meinisin.

Esra 7:10

Iwe, Esra a lechüni o achocho le kaiö än ewe Samol mi Lapalap kewe allük pwe epwe apwönüretä, epwe pwal aiti ngeni chon Israel ekewe allük me pwüüng.

Kölfel 34:11

Oupwe feito, ämi nei mwän o aüselingaei, üpwe aiti ngenikemi usun ämi oupwe meniniti ewe Samol mi Lapalap.

Aisea 28:13

Iei mine ewe Samol mi Lapalap epwe aiti ngeniir eu itechikin kapas pwal eu itechikin kapas, eu ititin fos pwal eu ititin fos, eu lesen pwal eu lesen. Mürin repwe chepetek won ekewe al ra fetal won, repwe seletä o kinas, repwe oo o fötek.

Aisea 55:1

Ewe Samol mi Lapalap a apasa, “Ou etto, ämi meinisin mi kaka, oupwe feito o ün seni ewe koluk. Ämi mi wöüngauen moni, oupwe feito o angei enemi. Oupwe feito o angei ünümemi wain me milik, nge ousap möni.

Mateus 17:17

Iwe, Jesus a pölüeni, “Ämi eu täppin aramas mi lükülükümang o tipesosor. Ifa langatamen fansoun ai üpwe nom remi. Ifa ükükün fansoun ai üpwe engila ngenikemi? Oupwe uwato ewe ät rei!”

Markus 9:19

Iwe, Jesus a üreniir, “Ämi eu täppin aramas mi lükülükümang. Ifa langatamen fansoun ai üpwe nom remi? Ifa langatamen fansoun ai üpwe engila ngenikemi? Oupwe uwato rei ewe ät.”

Föför 7:38

I ätewe mi eti ekewe aramasen Israel le mwichfengen me lon ewe fanüapö. A nom ikenan ren ach kewe lewo, pwal ren ewe chon läng mi kapas ngeni me won ewe Chuk Sinai. Iwe, a angei än Kot kapas mi manau pwe epwe asile ngenikich.

Nöün Paulus Toropwe ngeni ekewe Souläng lon Rom 3:2

Ewer, a chomong ar feiöch lon chomong sokun pekin! Aeuin, Kot a lükü ngeniir an Kapas.

1. Korint 14:19

Nge lon imwenfel, lupwen ach fel ngeni Kot, üa efich ai üpwe apasa limu kapas pwe aramas ra tongeni wewe ren lupwen üpwe asukuler, lap seni ai üpwe fos lon ngeröün kapasen ekis.

1. Korint 14:20

Ämi pwii kana, ousap wewe ngeni semirit lon ämi ekiek. Oupwe semirit lon föför mi ngau, nge oupwe mirit lon ämi ekiek.

Kalatia 4:3

Ina chök pwal usun kich. Lupwen sia chüen semirit lon ach souläng, sia nonom fän nemenien ekewe ngün mi nemeni ei fanüfan.

Filipi 3:1

Ämi pwii kana, iei amüchülan ai kapas ngenikemi: Oupwe pwapwa lon ach Samol. Üsap weires ren ai üpwe aliwinisefäli mine üa fen makkei ngenikemi me mwan, nge oupwe fen feiöch ren are üpwe föri iei usun.

Kolose 3:16

Än Kraist kapas mi fokun aüchea epwe nonom lon letipemi. Oupwe aiti ngeni eman me eman lefilemi ei kapas o fönööfengenikemi fän mirit. Oupwe kölü ekewe kölfel, ekewe kölün lamalam me ekewe köl mi pin. Oupwe köl ngeni Kot fän kilisou lon letipemi.

Ipru 10:32

Oupwe chechemeni mine a fis ngenikemi me lom. Lon ekewe rän, mürin än Kot saram a tin lomi, oua küna chomong sokun riaföü, nge ousap kuf lon ekewe weires oua tolong lon.

Ipru 5:11

Mi wor chomong mine aipwe tongeni apasa usun ei mettoch, nge a weires äm aipwe awewe ngenikemi, pun oua fokun wewemang.

Ipru 5:13

Eman mi chök ükün milik a chüen eman mönükol, esap tongeni sipeöch lon ewe kapasen pwüng.

Ipru 6:1

Iei mine sisap chüen eäni ekewe lepoputän lessen usun Kraist, nge sipwe sopwela ren ekewe afalafal mi fich ngeni chokewe mi mirit lon ar souläng. Sisap chüen aliwinisefäli ngenikemi ewe afalafalen longolongun ach souläng usun ach aier seni ekewe föför mi lomotongau, usun ach lükü Kot,

1. Petrus 2:2

Oupwe usun chök ekewe mönükol mi upufö, fansoun meinisin oupwe fokun moneti ewe chönün oup mi wewe ngeni Kapasen Kot, esap nofit ngeni och, pwe ren ämi ün oupwe mämäritä o küna manau.

1. Petrus 4:11

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.