Ipru 5:11 - Chuukese Bible

¹¹ Mi wor chomong mine aipwe tongeni apasa usun ei mettoch, nge a weires äm aipwe awewe ngenikemi, pun oua fokun wewemang.

Ipru 5:11 Iomraidhean Croise

1. King 10:1

Lupwen ewe kiwinen Sepa a rongorong usun än Salomon iteföüla a tori me ren ewe Samol mi Lapalap, a feila pwe epwe sotuni Salomon ren kapas ais mi weires.

Aisea 6:10

Kopwe aföüala letipen ekei aramas, kopwe apüngala selinger o achunala meser, pwe resap tongeni künakün ren meser ika rongorong ren selinger ika wewe ren letiper, pwe resap kul o küna manau.”

Mateus 13:15

Pun leluken ekei aramas a pöchökül, ra ükütiu le rongorong, ra amöürü meser. Pun are resap föri iei usun, repwe tongeni küna ren meser o rongorong ren selinger, letiper epwe wewe, repwe pwal kul ngeniei, pwe üpwe apöchöküleer. Iei alon Kot.’

Markus 8:21

Iwe, Jesus a aisiniir, “Ifa usun, oua chüen wewemang?”

Lukas 24:25

Iwe, Jesus a üreniir, “Pwota iei me miritimangemi me mangen letipemi! Inet ämi oupwe lükü meinisin mine ekewe soufos ra apasa?

Johannes 16:12

Mi chüen wor chomong mettoch üpwe ürenikemi, nge epwe fokun weires ngenikemi iei.

Johannes 6:6

Jesus a eäni ei kapas ais an epwe sotuni Filip, pun i a fen silei met epwe föri.

Föför 28:27

Pun letipen ekei aramas a pöchökül. Ra ükütiu le rongorong o ra amöürü meser. Pun are resap föri iei usun, repwe tongeni küna ren meser o rongorong ren selinger, nge letiper repwe wewela, repwe pwal kul ngeniei, pwe üpwe apöchöküleer. Iei alon Kot.’

Ipru 5:10

Iwe, Kot a aita ngeni souasor mi lap lon tettelin Melkisetek.

Ipru 5:12

A fen tori fansoun ämi oupwe sense, nge oua chüen osun än eman epwe asukulakemi ekewe lessen fän iten chon popuetä kaiö kapasen Kot. Ürürün pwe oupwe mongö mongö mi pöchökül, nge oua chüen chök ükün milik.

2. Petrus 3:16

Iei met a apasa lon makkean kewe toropwe meinisin, lupwen a makkei usun ekei mettoch. A wor ekoch mettoch lon an kewe toropwe ra weires pwe aramas repwe weweiti, pwe aramas mi tiparoch me tipewilikis ra awewemwäli. Iei usun mine ra pwal föri ren ekoch wokisin mi mak lon ekewe Toropwe mi Pin. Ren ei ra püsin atoto wor feiengau.