Ipru 5:1 - Chuukese Bible

¹ Iwe, iteiten souasor mi lap a kefilitä me lein aramasan, a angei wisan an epwe angang ngeni Kot fän iten ekewe aramas, pwe epwe föri angangen asor o föri ekewe asoren tipis.

Ipru 5:1 Iomraidhean Croise

Lifitikos 8:2

“Kopwe emwenato Aaron me nöün kewe mwän leasamalapen ewe imw mangaku ia aramas ra churiei ie, kopwe pwal uwei ekewe üf, ewe löön epit, ewe nienifön ätemwänin kow fän iten asoren tipis me ekewe ruoman ätemwänin sip, pwal ewe chükün pilawa esap wor iis lon.

Lifitikos 9:7

Mürin, Moses a üreni Aaron, “Kopwe kan ngeni ewe rongen asor o eäni om asoren tipis me om asoren kek, pwe kopwe föri asoren amusamusen tipis fän itom me ekewe aramas. Kopwe pwal eäni ewe asor fän iten ekewe aramas o föri asoren amusamusen ar tipis, usun ewe Samol mi Lapalap a fen allük.”

Nöün Paulus Toropwe ngeni ekewe Souläng lon Rom 15:17

Iei mine lon ai eufengen me Kraist üa tongeni aingaing lon ai angang ngeni Kot.

1. Korint 15:3

Üa ngenikemi mine üa fen angei met a fokun aüchea: pwe Kraist a mäla fän iten ach tipis usun a mak lon ekewe Toropwe mi Pin,

Ipru 10:11

Ekewe souasor meinisin ra föri ar angang iteiten rän o eäni asor ekewe chök sokun asor fän chomong. Nge ekei asor resap tongeni amorala än aramas tipis.

Ipru 10:12

Nge Kraist a eäni eu chök asor fän iten tipis, eu asor mi manaman tori feilfeilachök. Mürin a mottiu lepelifichin Kot.

Ipru 11:4

Ren än Epel lükü, a eäni ngeni Kot eu asor mi mürina seni än Kain asor. Ren an lükü Kot a alletätä pwe i eman chon pwüng, pun Kot a tipeeu ngeni an lifang kana. Ren än Epel lükülük a chüen afalafal ikenai, inamwo ika a fen mäla.

Ipru 2:17

Wewen ei, pwe epwe wiliti aramas usun pwiin kewe lon mettoch meinisin fän iten an epwe nöür Souasor mi Lap mi eäni tong o allükülük lon an angang ngeni Kot, pwe än ekewe aramas tipis epwe musala.

Ipru 7:27

Nge Jesus esap pwal wewe ngeni ekewe ekoch souasor mi lap. Esap wor lomoten an epwe eäni asor iteiten rän, akom fän iten püsin an tipis, mürin fän iten än ekewe aramas tipis. A eäni eu asor fän eu chök, nge a naf ngeni fansoun meinisin, lupwen a asor püsin inisin.

Ipru 8:3

Iteiten eman me eman souasor mi lap a kefilitä pwe epwe uwato sokopaten asor o eäni asoren man ngeni Kot. Iei mine ach we Souasor mi Lap epwe pwal fokun wor mine epwe eäni asor.

Ipru 8:4

Ika i epwe nonom won fanüfan, esap fokun wiseni ewe wisen souasor, pun mi wor souasor ra eäni asor ekewe lifang fän pwüngün än ekewe chon Juta allük.

Ipru 9:9

Iei eu lios fän itach ikenai. Wewen pwe ekewe sokopaten asor me ekewe asoren man aramas ra uwato pwe ar asor ngeni Kot, resap tongeni aunusöchüela letipen chokewe mi fel ngeni Kot.