Ipru 4:9 - Chuukese Bible

⁹ Iwe, mi chüen wor eu asösö a witiwit fän iten nöün Kot kewe aramas, a usun chök ewe asösö än Kot lon ewe afisuen rän.

Ipru 4:9 Iomraidhean Croise

Kölfel 47:9

Ekewe samolun ekewe mwü ra mwichefengen, ir ewe mwichen aramas nöün än Apraham we Kot. Pun ekewe kingen fanüfan nöün Kot, i a fokun tekia mwer meinisin.

Ekistos 16:30

Iei usun ekewe aramas ra asösö lon ewe afisuen rän.

Aisea 11:10

Lon ena fansoun epwe fis pwe ewe king mi fö seni mwirimwirin Tafit epwe ütä usun chök efoch asisil fän iten chon ekewe mwü meinisin. Iwe, repwe chufengen lon telinimwan mi ling o asamolu.

Aisea 57:2

pwe repwe tolong lon kinamwe, nge chokewe mi fetal fän pwüng ra kon o asösö lon peiaser.

Mateus 1:21

Epwe nöünöü eman ät, iwe, kopwe aita ngeni Jesus, pun i epwe amanaua aramasan seni ar tipis kana.”

Titus 2:14

I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina.

Ipru 11:25

A filätä an epwe eti nöün Kot kewe aramas le riaföü, lap seni an epwe pwapwaiti tipis lon ekis chök fansoun.

Ipru 3:11

Iwe, lon ai song üa pwon fän akapel ngeniir: ‘Resap fokun tolong lon ewe fanü ia üpwe asösöör ie!’”

Ipru 4:1

Iwe, Kot a ngenikich ewe pwon, pwe sipwe tolong lon ewe asösö a kapas usun me mwan. Iei mine sipwe fokun tümwünüfichi pwe esap wor eman leimi esap tolong lon ewe asösö Kot a fen pwon.

Ipru 4:10

Pun iö a tolong lon ewe asösö Kot a pwonei, epwe pwal asösö seni an angang usun chök Kot a asösö seni an angang.

Ipru 4:3

Iei mine oukich mi lükü sia tolong lon ewe asösö Kot a fen pwonei. Iei usun a fen apasa, “Lon ai song üa pwon fän akapel ngeniir, ‘Resap fokun tolong lon ewe fanü ia üpwe asösöör ie.’” Iei usun met Kot a apasa, inamwo ika an kewe angang ra wesila seni ewe fansoun a föri fanüfan.

Ipru 4:8

Pun are Josua a atolonga ekewe aramas lon ewe asösö Kot a fen pwon, Kot esap pwal kapassefäl me mürin usun pwal eu rän.

1. Petrus 2:10

Me lom ousap nöün Kot aramas, nge ikenai oua nöün. Me lom ousap angei än Kot ümöümöch, nge ikenai oua angei an ümöümöch.

Pwärätä 14:13

Mürin üa rongorong eu möngüngü seni läng a apasa, “Kopwe makkei ei: Ra feiöch chokewe mi mäla lon ar lükü ach Samol seni ikenai!” Ewe Ngünmifel a pölüeni, “Ewer, repwe asösö seni ar angang weires, pun ar föför mürina a etiir.”

Pwärätä 21:4

Epwe talüpwasei chönün mas seni won meser meinisin. Esap chüen wor mäla ika letipeta ika kechü ika cheuch, pun ekewe mettochun lom ra morola.”