Ipru 4:8 - Chuukese Bible

⁸ Pun are Josua a atolonga ekewe aramas lon ewe asösö Kot a fen pwon, Kot esap pwal kapassefäl me mürin usun pwal eu rän.

Ipru 4:8 Iomraidhean Croise

1. Kronika 7:27

nöün Elisama Nun, nge nöün Nun Josua.

Kölfel 105:44

Iwe, a ngeniir fanüen chon ekewe mwü, nge ir ra fanüeni ewe fanü o feiöchüni än ekewe aramas angang.

Kölfel 78:55

A asüela chon ekewe mwü me mwer. A aineti ngeni ekewe ainangen Israel fanüer pwe repwe fanüeni o ngeniir imwer.

Föför 7:45

Iwe, mürin ach kewe lewo mi angei ewe imwenfel seni mangaku seni semelaper kewe ra eki ei imwenfel lupwen ra eti Josua le feila o liapeni ewe fanü seni chon ekewe mwü Kot a fen asürela me mwer. Iwe, a nonom lon ewe fanü tori fansoun Tafit.

Tuteronomi 12:9

Pun ousamwo tori ewe lenien asösö, ewe fanü ewe Samol mi Lapalap epwe ngenikemi pwe fanüemi.

Tuteronomi 25:19

Iei mine, lupwen ewe Samol mi Lapalap ämi we Kot epwe ngenikemi ewe fanü o asösökemi seni chon oputakemi meinisin mi nom ünükümi, oupwe fokun niela ekewe chon Amalek, pwe esap wor eman epwe chüen chechemeniir. Ousap fokun manlükala mine üa ürenikemi.”

Ipru 1:1

Me lom Kot a kapas ngeni ach kewe lewo fän chomong pwal lon sokopaten lapalap ren ekewe soufos.

Ipru 4:9

Iwe, mi chüen wor eu asösö a witiwit fän iten nöün Kot kewe aramas, a usun chök ewe asösö än Kot lon ewe afisuen rän.

Josua 1:15

tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 11:23

Iei usun Josua a liapeni unusen ewe fanü fän alon ewe Samol mi Lapalap ngeni Moses. Iwe, Josua a ngeni chon Israel ewe fanü pwe repwe fanüeni lon ükükün inetin eu me eu ainang. Mürin ewe fanü a kinamwe, pun esap chüen wor maun.

Josua 22:4

Iwe, iei ewe Samol mi Lapalap ämi we Kot a fang kinamwe ngeni pwimi kewe, usun a fen pwon ngeniir. Iei mine oupwe liwiniti leniemi lon fanüemi, ewe fanü Moses nöün ewe Samol mi Lapalap we chon angang a ngenikemi me ötiuen ewe chanpupu Jortan.

Josua 23:1

Iwe, a la chomong fansoun mürin än ewe Samol mi Lapalap ngeni chon Israel kinamwe seni chon oputeer mi nom ünükür. Lon ei fansoun Josua a fokun chinlap.