Ipru 4:6 - Chuukese Bible

⁶ Iwe, chokewe mi akomwen rongorong ewe Pworaus Allim resap tolong lon ewe asösö, pun ra aleasolap. Nge mi wor pwal ekoch a mwümwütä ngeniir pwe repwe tolong lon ewe asösö.

Ipru 4:6 Iomraidhean Croise

Aisea 65:15

Iwe, nei kewe aramas üa filiretä repwe föüni itemi lon ar kapasen ottek, nge ngang Kot ewe Samol mi Lapalap üpwe nikemiila. Iwe, üpwe aita ngeni nei kewe chon angang eu it mi fö.

Numperis 14:12

Üpwe ni ngeniir mätter o aroserela. Nge üpwe föri senuk eu mwü mi watte o pöchökül seniir.”

Numperis 14:31

Nge nöümi semirit oua apasa pwe repwe oola, ngang üpwe emwenirelong lon ewe fanü ämi oua oputa, pwe repwe fanüeni.

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

1. Korint 7:29

Ämi pwii kana, iei wewen mine üa apasa: Esap chüen langatam ach fansoun. Seni ikenai, ekewe mwän mi pwüpwülü repwe nonom usun itä nge resap pwüpwülü,

Kalatia 3:8

Ekewe Toropwe mi Pin ra fen pwärätä me mwan, pwe Kot epwe anomu ekewe chon lükün Israel lon tettelin chon pwüng ren ar lükülük. Iei usun mine a mak lon ekewe Toropwe mi Pin usun ewe Pworausen Manau a tori Apraham, “Aramas meinisin won fanüfan repwe küna feiöch reöm.”

Ipru 4:11

Iei mine sipwe fokun achocho ach sipwe tolong lon ewe asösö, pwe esap wor eman leich epwe tur usun ir pokiten ar aleasolap.

Ipru 4:2

Pun sia pwal rongorong ewe Pworausen Manau usun chök ir. Ir ra rongorong ewe pworaus, nge resap feiöch ren, pun lupwen ar rongorong, resap etiwa fän ar lükü.

Ipru 4:9

Iwe, mi chüen wor eu asösö a witiwit fän iten nöün Kot kewe aramas, a usun chök ewe asösö än Kot lon ewe afisuen rän.