Ipru 4:4 - Chuukese Bible

⁴ Pun a mak lon eu kewe Toropwe mi Pin usun ewe afisuen rän, “Kot a asösö seni an kewe angang meinisin lon ewe afisuen rän.”

Ipru 4:4 Iomraidhean Croise

Ekistos 20:11

Pun lon wonu rän ngang ewe Samol mi Lapalap üa föri läng me fanüfan, pwal matau me meinisin mine a wor lor. Nge lon afisuen rän üa asösö. Iei mine üa afeiöchü ewe ränin sapat o apini.

Ekistos 31:17

Ei rän eu asisil lefilei me chon Israel tori feilfeilachök. Pun lon ükükün wonu rän ngang ewe Samol mi Lapalap üa föri läng me fanüfan, nge lon ewe afisuen rän üa ükütiu le angang o asösö.’”

Tuteronomi 5:14

Nge ewe afisuen rän ewe ränin sapat fän iten ngang ewe Samol mi Lapalap om Kot. Kosap föri och angang lon, sap en are noum mwän are noum fefin, sap noum chon angang mwän are chon angang fefin, sap pwal noum ätemwänin kow are noum aas are noum sokopaten man are ewe chon ekis mi nom leäpärum. Iwe, noum chon angang mwän me chon angang fefin repwe asösö usun chök en.

Ipru 2:6

Nge iei usun a mak lon eu kewe Toropwe mi Pin, “Ai Kot, met aüchean aramas pwe ka ekieki usun, nge met aüchean nöün aramas pwe ka tümwünü?

Ipru 4:10

Pun iö a tolong lon ewe asösö Kot a pwonei, epwe pwal asösö seni an angang usun chök Kot a asösö seni an angang.