Ipru 4:3 - Chuukese Bible

³ Iei mine oukich mi lükü sia tolong lon ewe asösö Kot a fen pwonei. Iei usun a fen apasa, “Lon ai song üa pwon fän akapel ngeniir, ‘Resap fokun tolong lon ewe fanü ia üpwe asösöör ie.’” Iei usun met Kot a apasa, inamwo ika an kewe angang ra wesila seni ewe fansoun a föri fanüfan.

Ipru 4:3 Iomraidhean Croise

Keneses 1:31

Iwe, Kot a nengeni meinisin mine a föri o küna pwe a fokun öch. Iwe, seni lesosor tori lekuniol pwal tori lesosorun ewe eu rän, iei ewe awonuen rän.

Kölfel 95:11

Iei mine üa pwon fän akapel lon ai song pwe resap tongeni tolong lon ewe fanü ia üpwe asösöör ie.

Ekistos 20:11

Pun lon wonu rän ngang ewe Samol mi Lapalap üa föri läng me fanüfan, pwal matau me meinisin mine a wor lor. Nge lon afisuen rän üa asösö. Iei mine üa afeiöchü ewe ränin sapat o apini.

Aisea 28:12

Iwe, a apasa ngeniir me lom, “Iei ewe lenien kinamwe chon weiresikis repwe asösö lon. Ewer, iei ewe lenien asösö.” Nge resap mochen rongorong.

Jeremaia 6:16

Iei alon ewe Samol mi Lapalap, “Oupwe ütä ünükün ekewe al o katol, oupwe ais usun ekewe alen lom ifan ewe al mi mürina. Oupwe fetal won o küna kinamwe.” Nge ir ra apasa, “Äm aisap mochen fetal won.”

Isikiel 20:38

Üpwe aimwü senikemi chokewe mi lükümach o ü ngeniei, pwal chokewe mi tipis ngeniei. Iwe, üpwe emwenirewu seni lon ekewe fanü ia ra nonom ie, nge resap tolong lon ewe fanü Israel. Mürin oupwe silei pwe ngang ewe Samol mi Lapalap.”

Mateus 13:35

A föri ei an epwe pwönüetä mine ewe soufos a apasa, “Ngang üpwe aea pworausen awewe lupwen üpwe kapas ngeniir. Ngang üpwe aiti ngeniir ekewe mettoch mi monomon seni lepoputän fanüfan.”

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Efisos 1:4

Kot a afilikich lon Kraist me mwen än fanüfan esamwo fis, pwe sipwe pin o unusöch me mwen mesan.

Ipru 3:11

Iwe, lon ai song üa pwon fän akapel ngeniir: ‘Resap fokun tolong lon ewe fanü ia üpwe asösöör ie!’”

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

Ipru 9:26

pun are epwe iei usun, epwe riaföü fän chomong seni ewe fansoun Kot a föri fanüfan. Nge iei lupwen a arapakan sopolan fansoun fanüfan, Kraist a wareto fän eu chök, nge a naf ngeni fansoun meinisin, pwe epwe amorala tipis ren an asor püsin inisin.

1. Petrus 1:20

Kraist a fen fil me ren Kot mwen esamwo fis fanüfan, nge a pwä lon fansoun sopolan fänäsengesimi.