Ipru 4:12 - Chuukese Bible

¹² Pun än Kot kapas a manau o manaman, a ken seni efoch ketilas mi seisei me rüepek. A tililong lon manauach o aimwüfeseni letipach me ngünüch, pwal lekupukupun lon chü me fituken lon chü. A pwal apwüngü mochen me ekiekin letipen aramas.

Ipru 4:12 Iomraidhean Croise

Kölfel 110:2

Ewe Samol mi Lapalap epwe alapala manen om nemenem lon wisom wisen king seni Sion. A apasa, “Kopwe nemenem won chon oputom.”

Kölfel 119:130

Lupwen a suk ngenikem masouen om kewe kapas, a wor saram, a ngeni ekewe chon wewemang tipachem.

Kölfel 139:2

Ka silei fansoun ai mottiu me ai ütä, ka silei ai ekiek kana me toau.

Kölfel 149:6

Kapasen mwareiti Kot fän leüömong epwe nom lon awer, nge ekewe ketilas mi seisei me rüepek repwe nom lon pöür,

Kölfel 45:3

En ewe mi pwora, kopwe rietä noum ketilas won wänükum, ka ling o manaman.

Än Salomon Fos 5:4

nge sopolan a kipwin usun chök kipwinin ewe irä maras, a pwal wor ekinasean usun chök ekinasaen efoch ketilas mi seisei me ruepek.

Än Salomon Afalafal 12:11

Iwe, än eman chon mirit kapas ra usun chök wok mi föl, ekewe chon mas ra wokowok le emweni nöür kewe sip, nge ekewe mwiitun ra usun chök chüföl mi nükünük. Ra feito seni Kot, ewe chök eman chon mas.

Aisea 11:4

Nge epwe apwüngü chon wöüngau fän pwüng, epwe pwal peni chon tipetekison won fanüfan, nge esap lifilifil. Iwe, epwe afeiengaua fanüfan ren an kapas usun sa afeiengaua eman ren efoch wok, epwe pwal niela chon föföringau ren enienin ngasangasan.

Aisea 49:2

Iwe, Kot a akeni kapasen awei pwe ra ken usun efoch ketilas o aopaei fän nürün pöün. A amisiei usun efoch föün likapich, a iseniei o aopaei lon an lenien föün likapich.

Aisea 55:11

iei usun ai kapas esap liwinto rei fän pön, pwe epwe afisätä mine üa tipeni o apwönüetä mine üa akünöü ngeni.

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 23:29

Ifa usun, ai kapas esap wewe ngeni ekkei, ika esap usun efoch ama mi amökkükisi achau?

Lukas 8:11

“Iei wewen ewe pworausen awewe: Ewe pwükil ina ewe kapasen Kot.

Johannes 12:48

Iö a aliwiniei o esap etiwa ai kewe kapas, a wor met epwe kapwüng ren. Ewe kapas üa apasatä epwe apwüngü lon ewe sopolan rän.

Johannes 6:51

Ngang ewe mongön manau mi feitiu seni läng. Are eman a mongö ei mongö epwe manau tori feilfeilachök. Iwe, ei mongö iei fitukei ngang üpwe fangala, pwe chon fanüfan repwe manau ren.”

Föför 2:37

Lupwen ekewe aramas ra rongorong ekei kapas, a el letiper o ra aisini Petrus me ekewe ekoch soukünö, “Ämi pwiich kana, met äm aipwe föri.”

Föför 4:31

Iwe, lupwen ra wes le iotek ewe leni ia ra mwichfengen ie a mwökütüküt. Ir meinisin ra urela ren Ngünmifel o ra popuetä le asilefeili än Kot kapas fän pwora.

Föför 5:33

Iwe, lupwen chon ewe mwichen soupwüng ra rong ekei kapas, ra fokun lingeringer, pwe ra ekiekin niela ekewe soukünö.

Föför 7:38

I ätewe mi eti ekewe aramasen Israel le mwichfengen me lon ewe fanüapö. A nom ikenan ren ach kewe lewo, pwal ren ewe chon läng mi kapas ngeni me won ewe Chuk Sinai. Iwe, a angei än Kot kapas mi manau pwe epwe asile ngenikich.

Nöün Paulus Toropwe ngeni ekewe Souläng lon Rom 1:16

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

1. Korint 1:24

Nge ren chokewe Kot a köriir me lein chon Juta me chon lükün Israel, Kraist ewe manamanen Kot me ewe tipachemen Kot.

2. Korint 2:17

Äm aisap usun ekewe chomong aramas ra aea än Kot kapas minen amömö fän iten ar repwe kütta win. Nge pokiten Kot a tinikem, äm aia kapas fän wenechar mwen mesan usun nöün Kraist chon angang.

2. Korint 4:2

Nge aia pöütala ekewe föför meinisin mi monomon me ekewe föför mi asäw. Aisap föri föförün atuputup, aisap pwal amwäli än Kot kapas. Nge aia pwärätä mine a let mwen mesen Kot o sotuni äm aipwe aitöchükem ngeni ekiekin aramas meinisin.

Efisos 5:13

Nge lupwen ekewe mettoch meinisin ra pwäwu lon saram, mürin enletin sokosokun manauer a pwäöchüla.

Efisos 5:26

A föri ei pwe epwe apini mwichefel fän iten Kot, a limeti mwichefel ren koluk, iei an kapas,

Efisos 6:17

Oupwe angei ewe Manau pwe ina imwemi akau, pwal ewe kapasen Kot pwe ina nöümi ketilas ewe Ngünmifel a ngenikemi.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

1. Tesalonika 5:23

Kot, ewe mi fang ngenikich kinamwe epwe unusen apinikemi, pwe unusen ngünümi me letipemi me inisimi epwe unusöch tori ach Samol Jesus Kraist epwe war.

Ipru 13:7

Oupwe chechemeni ämi souemwen me lom, chokewe mi afalafalakemi kapasen Kot. Oupwe ekieki usun nonomur, pwal usun ar mäla, pwe oupwe apirü ar lükülük.

Ipru 6:5

Ra silei seni mine a fis ngeniir, pwe än Kot kapas a mürina o ra mefi ekewe manamanen ewe fansoun epwe feito.

James 1:18

Ren püsin letipan a afisikich ren ewe kapas mi let, pwe sipwe nöün mwänichi lein förian kana meinisin.

1. Petrus 1:23

Pun oua upsefäl ren Kapasen Kot mi manau o nonom tori feilfeilachök, usun nau nöün eman mi manau tori feilfeilachök, nge sap nöün eman mi mäla.

Pwärätä 1:16

A amwöchü füföü fü lon pöüifichin, nge efoch ketilas mi seisei me ruupekin a itiwu seni lon awan. Won mesan a saramaram usun saramen akkaren leoloas.

Pwärätä 19:15

Seni lon awan a itiwu efoch ketilas mi ken, pwe epwe nöünöü le akufu chon ekewe mwü. Epwe nemeniir ren efoch wokomächä, epwe puri ekewe uän wain lon ewe lenien üchüch, wewen ei, än Kot, ewe mi Unusen Manaman, lingeringer mi fokun afeiengau.

Pwärätä 19:21

Nge nöür kewe sounfiu ra ninnila ren ewe ketilas mi itiwu seni lon awen ewe eman mi wawa ewe oris. Iwe, ekewe machang meinisin ra ocheela fituker tori ra mötüla.

Pwärätä 2:16

Iei kopwe aier seni om tipis! Are kosap aier üpwe müttir feito reöm o fiu ngeni ekewe aramas ren ewe ketilas mi itiwu seni lon awei.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.

Soukapwüng 3:16

Nge Ehut a föri fän itan efoch ketilas mi ken me rüepek ükükün langataman eu esop fiit o rietä won pelifichin wänükün me fän üfan.