Ipru 4:10 - Chuukese Bible

¹⁰ Pun iö a tolong lon ewe asösö Kot a pwonei, epwe pwal asösö seni an angang usun chök Kot a asösö seni an angang.

Ipru 4:10 Iomraidhean Croise

Keneses 2:2

Nge lon ewe afisuen rän Kot a aükätiu an we angang o asösö seni an kewe angang meinisin.

Johannes 19:30

Lupwen Jesus a wes me ün ewe wain, a apasa, “A wesila!” Mürin a rotiu o mäla.

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 10:12

Nge Kraist a eäni eu chök asor fän iten tipis, eu asor mi manaman tori feilfeilachök. Mürin a mottiu lepelifichin Kot.

Ipru 4:9

Iwe, mi chüen wor eu asösö a witiwit fän iten nöün Kot kewe aramas, a usun chök ewe asösö än Kot lon ewe afisuen rän.

Pwärätä 14:13

Mürin üa rongorong eu möngüngü seni läng a apasa, “Kopwe makkei ei: Ra feiöch chokewe mi mäla lon ar lükü ach Samol seni ikenai!” Ewe Ngünmifel a pölüeni, “Ewer, repwe asösö seni ar angang weires, pun ar föför mürina a etiir.”

Pwärätä 6:11

Mürin Kot a ngeni eman me eman leir echö üf mi pwechepwech o a üreniir, pwe repwe mwo asösö ekis chök fansoun mochomoch, tori epwe unus iteiten chiechier kewe chon angang me pwiir kewe repwe ninnila usun chök ir.