Ipru 3:9 - Chuukese Bible

⁹ Kot a apasa: Ikenan ra sotuniei, inamwo ika ra küna mine üa föri lon ekewe ükükün faik ier.

Ipru 3:9 Iomraidhean Croise

Kölfel 95:9

lupwen ämi kewe lewo ra sotuniei, ra aleletaei, nge ra fen küna ai kewe föför üa föri fän iter.

Ekistos 19:4

‘Oua fen küna mine üa föri ngeni chon Isip, pwal usun üa uweekemi usun eman ikel a uwei nöün won pöükässin o uweekemiito rei.

Ekistos 20:22

Mürin, ewe Samol mi Lapalap a üreni Moses, “Iei usun mine kopwe eäni kapas ngeni ekewe aramasen Israel: Oua fen püsin küna pwe üa fos ngenikemi seni läng.

Amos 2:10

Üa emwenikemiiwu seni ewe fanü Isip o emwenikemi lon ewe fanüapö lon ükükün faik ier. Üa ngenikemi fanüen ekewe chon Amor pwe oupwe fanüeni.

Numperis 14:33

Iwe, nöümi repwe chon fofol man lon ewe fanüapö lon ükükün faik ier, repwe pwal riaföü pokiten ämi ousap allükülük, tori ewe amüchülan me leimi epwe mätiu lon ewe fanüapö.

Lukas 7:22

Iwe, Jesus a pölüeni nöün Johannes kewe chon kaiö, “Oupwe liwinsefälila o üreni Johannes mine oua küna o rongorong: Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepüng ra rongorong, ekewe mi mäla ra manauetä, nge ekewe mi wöüngau ra rongorong afalafalen ewe Pworausen Manau.

Föför 13:8

Nge ewe sourong Elimas a pölüeniir. (Elimas iei itan lon kapasen Krik.) A sotuni an epwe akulu letipen ewe kepina an esap lükü Jesus.

Föför 7:36

Moses a emwenawu ekewe aramas seni Isip, a föri manaman me asisil lon Isip, arun ewe Setipar, pwal lon ewe fanüapö lon ükükün faik ier.

Tuteronomi 11:7

Iwe, oua püsin küna ren mesemi ekei föför mi manaman meinisin ewe Samol mi Lapalap a föri.”

Tuteronomi 29:2

Iwe, Moses a körifengeni chon Israel meinisin o üreniir, “Oua küna meinisin mine ewe Samol mi Lapalap a föri fän mesemi ngeni Farao ewe kingen Isip, ngeni nöün kewe nöüwis meinisin, pwal ngeni unusen fanüan.

Tuteronomi 4:3

Iwe, ämi oua püsin küna mine ewe Samol mi Lapalap a föri me lon Paal-peor. Pun ewe Samol mi Lapalap ämi we Kot a arosala seni leimi ekewe mwän meinisin mi fel ngeni Paal seni Peor.

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Tuteronomi 8:2

Oupwe chechemeni usun än ewe Samol mi Lapalap ämi we Kot emwenikemiila lon ewe fanüapö lon ekewe faik ier ra la. A awarato weires womi pwe epwe atekisonakemi o sotunikemi, pwe epwe silei met mi nom lon lelukemi, ika oupwe aleasochisi an kewe allük ika ousap.

Tuteronomi 8:4

Iwe, üfemi oua üföüf resap kamwala, nge pechemi resap pwo lon ekewe faik ier ra la.

Josua 23:3

Ämi oua küna meinisin mine ewe Samol mi Lapalap ämi we Kot a föri ngeni ekei mwü meinisin fän itemi. Pun ewe Samol mi Lapalap ämi we Kot a maun fän itemi.

Josua 24:7

Iwe, lupwen ämi kewe lewo ra siö ngeniei, üa awora rochopwak lefiler me ekewe chon Isip, üa pwal föri pwe ewe matau a pwölürela o amopuur. Ämi oua silei mine üa föri ngeni ekewe chon Isip. Iwe, oua nom lon ewe fanüapö fansoun langatam.

Josua 5:6

Pun a pwon fän akapel ngeniir, pwe esap mwüt ngeniir pwe repwe küna ewe fanü mi pwülüöch o fanüeräs a pwon ngeni ar kewe lewo, pwe epwe ngeniir.