Ipru 3:8 - Chuukese Bible

⁸ ousap apöchöküla lelukemi usun ämi kewe lewo, lupwen ar pöchökül le ü ngeni Kot, usun met ra föri lon ewe rän lon fanüapö, lupwen ra sotuni Kot.

Ipru 3:8 Iomraidhean Croise

2. King 17:14

Nge ekewe chon Israel resap aleasochis, pwe ra tipeförea, usun ar kewe lewo, ir chokewe resap lükü ewe Samol mi Lapalap ar we Kot.

2. Kronika 30:8

Iei ousap tipeförea usun ämi kewe lewo, nge oupwe aleasochis ngeni ewe Samol mi Lapalap o feito ren imwan mi pin, i a apini tori feilfeilachök. Oupwe angang ngeni ewe Samol mi Lapalap ämi we Kot, pwe esap chüen song ngenikemi.

2. Kronika 36:13

A pwal ü ngeni ewe king Nepukatnesar mi pesei ngeni an epwe eäni pwon fän akapel iten Kot pwe epwe allükülük. A chök tipepöchökül o tipeförea, nge esap kul ngeni ewe Samol mi Lapalap ewe Koten Israel.

Nehemia 9:16

Nge äm kewe lewo ra lamalamtekia o tipepöchökül, resap aleasochisi om kewe allük.

Hiop 9:4

Kot a tipachem o fokun pöchökül. Iö a pwäk ngeni an epwe ü ngeni?

Kölfel 106:14

Ra fokun mwäräkich me lon ewe fanüapö o sotuni Kot lon ewe fanüpwas.

Kölfel 78:18

Ra sotuni Kot seni mochenin letiper ren ar tüngormau ener mongö ra mwäräräiti.

Kölfel 78:56

Nge ir ra sotuni ewe Kot mi Unusen Tekia o ü ngeni. Resap aleasochisi an kewe allük,

Kölfel 95:8

ousap apöchöküla lelukemi usun a fis me lon Meripa, usun a fis lon ewe rän me lon ewe fanüapö lon Masa,

Ekistos 17:7

Iwe, a aita ngeni ewe leni Massa me Meripa , pun ekewe aramasen Israel ra anini ngeni Moses, ra pwal sotuni ewe Samol mi Lapalap ren ar apasa, “Ifa usun, ewe Samol mi Lapalap a nom leich ika esap?”

Ekistos 8:15

Iwe, lupwen Farao a küna pwe a ekis ngasala, a pwal tipeföreala pwe esap mochen aüselinga Moses me Aaron, usun mine ewe Samol mi Lapalap a fen apasa.

Än Salomon Fos 28:14

Feiöchün eman aramas mi niuokusiti ewe Samol mi Lapalap fansoun meinisin, nge ätewe mi ülöförea lelukan epwe tolong lon feiengau.

Än Salomon Fos 29:1

Eman mi angei apwüng fän chomong, nge a chök tipeförea, epwe müttir fisikai an feiengau, nge esap chüen chikarsefäl.

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Taniel 5:20

Nge lupwen a lamalamtekia o ülöförea, ewe king a tur seni wisan wisen king, nge lingan a pöüt seni.

Numperis 14:11

Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?

Mateus 13:15

Pun leluken ekei aramas a pöchökül, ra ükütiu le rongorong, ra amöürü meser. Pun are resap föri iei usun, repwe tongeni küna ren meser o rongorong ren selinger, letiper epwe wewe, repwe pwal kul ngeniei, pwe üpwe apöchöküleer. Iei alon Kot.’

Föför 19:9

Nge ekoch me leir ra tipeförea. Resap fokun lükü, nge ra fen kapasingau mwen ewe mwichen aramas usun ewe Alen ach Samol. Iei mine Paulus a feila seniir o uweela ekewe chon lükü. Iwe, iteiten rän a afalafal lon utten Tiranus ia aramas ra akafalafal ie.

Föför 7:36

Moses a emwenawu ekewe aramas seni Isip, a föri manaman me asisil lon Isip, arun ewe Setipar, pwal lon ewe fanüapö lon ükükün faik ier.

1. Korint 10:9

Sisap fokun sotuni Kraist usun ekoch me leir ra föri, iwe, ra feiengau o mäla ren ekewe serepenit.

Tuteronomi 6:16

Iwe, ousap sotuni ewe Samol mi Lapalap ämi we Kot, usun oua fen sotuni me lon Masa.

1. Samuel 6:6

Pwota oupwe aföreai letipemi usun chon Isip me Farao ra aföreai letiper? Ifa usun, mürin än Kot awarato feiengau wor, resap mwüt ngeni ekewe aramas pwe repwe feila?