Ipru 3:5 - Chuukese Bible

⁵ Moses a allükülük lon wisen eman chon angang lon unusen imwen Kot, a kapas usun ekewe mettoch Kot epwe apasa lon ekewe fansoun repwe feito.

Ipru 3:5 Iomraidhean Croise

Nehemia 9:14

Ka asile ngeniir pwe repwe apini om kewe ränin sapat, nge Moses noum we chon angang a ngeniir ekewe allük me pwüüng fän alom.

Kölfel 105:26

Mürin, Kot a tinala Moses nöün we chon angang me Aaron ätewe i a filätä.

Ekistos 14:31

Lupwen ekewe chon Israel ra küna än ewe Samol mi Lapalap manaman a föri ngeni ekewe re Isip, ra meniniti ewe Samol mi Lapalap, ra pwal lükü i me nöün we chon angang Moses.

Ekistos 40:16

Iwe, Moses a föri meinisin usun mine ewe Samol mi Lapalap a allük ngeni.

Numperis 12:7

Nge esap iei usun ren nei ei chon angang Moses. Pun üa lükü ngeni nei aramasen Israel meinisin.

Mateus 24:45

“Iwe, iö chök ewe chon angang mi allükülük o tipachem? Ätewe an masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Mateus 25:21

An we masta a üreni, ‘Om angang a fokun mürina. En eman chon angang mi mürina o allükülük. Ka fen allükülük won mine a chokükün, iei mine üpwe seikuketä won mine a chomong. Kopwe tolong o etiei lon ai pwapwa.’

Lukas 12:42

Iwe, ewe Samol a pölüeni, “Iö chök ewe chon angang mi allükülük o tipachem? Ätewe nöün masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Lukas 24:27

Mürin Jesus a awewe ngeniir met a mak lon ekewe Puk mi Pin usun püsin i. A popuetä seni ekewe puken Moses tori ekewe puken soufos meinisin.

Lukas 24:44

Mürin a üreniir, “Iei met üa fen ürenikemi pwe epwe fis, lupwen üa chüen nonom remi: Meinisin mine a mak usi lon än Moses we Allük, pwal lon ekewe puken soufos me Kölfel epwe fokun pwönüetä.”

Johannes 5:39

Ämi oua achocho le kaiö masouen ekewe Toropwe mi Pin, pun oua ekieki pwe oupwe küna manau esemüch lor. Ekei Toropwe mi Pin ra pwärätä usi.

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Föför 7:37

Moses ätewe mi üreni ekewe aramasen Israel, ‘Kot epwe tinala remi eman soufos usun chök ngang, i epwe eman me lein püsin aramasemi.’

Nöün Paulus Toropwe ngeni ekewe Souläng lon Rom 3:21

Nge iei a pwäla mine Kot a föri pwe aramas repwe küna pwüng me ren. Ei esap fis ren ekewe allük, inamwo ika än Moses kewe Allük me än ekewe soufos kapas ra pwäräta usun.

1. Korint 4:2

Eu chök mettoch epwe fokun aüchea ren eman chon angang, pwe epwe allükülük ngeni an samol.

Tuteronomi 3:24

‘Ai Kot, Samol mi Lapalap, ka chök popuetä le pwäri ngeniei ngang noum chon angang om tekia me poum mi manaman. Pun meni sokun kot a wor lon läng ika won fanüfan a tongeni föri ekei sokun angang me föför mi manaman usun en ka föri?

Tuteronomi 34:5

Iei usun Moses nöün ewe Samol mi Lapalap we chon angang a mäla ikenan lon ewe fanü Moap, usun mine ewe Samol mi Lapalap a apasa.

1. Timoty 1:12

Üa kilisou ngeni Kraist Jesus ach Samol, ewe mi fang ngeniei pöchökül fän iten ai angang. Üa kilisou ngeni ren an ekieki pwe ngang mi allükülük o a awisaei pwe üpwe angang ngeni.

Ipru 1:1

Me lom Kot a kapas ngeni ach kewe lewo fän chomong pwal lon sokopaten lapalap ren ekewe soufos.

Ipru 3:2

I a allükülük ngeni Kot, ewe mi filätä an epwe föri ei angang, usun chök Moses a allükülük lon an angang lon imwen Kot.

Ipru 3:4

Ewer, iteiten imw aramas ra aüetä, nge Kot ewe mi aüetä mettoch meinisin.

Ipru 8:5

Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.”

Ipru 9:24

Pun Kraist esap tolong lon eu Leni mi Pin aramas ra föri, ewe mi chök aliosunätä ewe wesewesen Leni mi Pin. Nge a tolong lon läng o a nonom mwen mesen Kot iei fänäsengesich.

Josua 1:15

tori ewe Samol mi Lapalap epwe asösöü pwimi usun chök ämi. Iwe, repwe fanüeni ewe fanü ewe Samol mi Lapalap ämi we Kot a ngeniir. Mürin oupwe liwiniti ewe fanü pwe oupwe fanüeni, ewe fanü Moses nöün ewe Samol mi Lapalap we chon angang a fen ngenikemi me ötiuen ewe chanpupu Jortan.”

Josua 1:2

“Nei chon angang Moses a mäla. Iei mine kopwe ütä iei o feila pekilan ei chanpupu Jortan, ämi me ekei aramas meinisin, pwe oupwe feila lon ewe fanü üpwe ngeni ekewe aramasen Israel.

Josua 1:7

Kopwe chök apöchökülok o tipepwora, kopwe pwal tümwünüöchü om kopwe apwönüetä ekewe allük meinisin Moses nei we chon angang a allük ngonuk. Kosap fokun aleasolap ngeniir, pwe kopwe fefeitä lon meinisin mine kopwe föri.

Josua 8:31

Ewe rongen asor a för seni fau resap fal, esap wor eman a aea pisekin angang seni mächä wor, usun mine Moses nöün ewe Samol mi Lapalap we chon angang a allük ngeni chon Israel, pwal usun a mak lon ewe puken allük me ren Moses. Iwe, ra eäni asoren kek ngeni ewe Samol mi Lapalap won, pwal asoren kinamwe.

Josua 8:33

Iwe, ekewe chon Israel meinisin, ekewe souakom, ekewe meilap pwal ekewe soukapwüng fiti ekewe chon ekis mi nom rer ra ütä lepekin ewe pworofel me rüepek fän mesen ekewe souaso ir mwirimwirin Lefi mi mwärei än ewe Samol mi Lapalap we pworun pwon. Esopun ar mwich a ütä o sap ngeni ewe chuk Keresim, nge esop a ütä o sap ngeni ewe chuk Epal. Moses nöün ewe Samol mi Lapalap we chon angang a allük me lepoputän pwe repwe föri iei usun, lupwen repwe angei ewe feiöch.

Pwärätä 15:3

Iwe, ra köl ewe köl än Moses ewe chon angang ngeni Kot, pwal ewe köl än ewe Lam: “Äm Kot, Samol mi Unusen Manaman, a tekia o amwarar om angang kana! En kingen ekewe mwü, a pwüng o let om kewe föför!