Ipru 3:3 - Chuukese Bible

³ Eman mwän mi aüetä eu imw a angei iteüöch lap seni ewe imw. Ina usun Jesus a fokun fich ngeni an epwe angei iteüöch lap seni Moses.

Ipru 3:3 Iomraidhean Croise

Sekaraia 4:9

“Serupapel a föri longolongun ei Imwenfel, i epwe pwal awesala. Are epwe fis ei, nei aramas repwe silei pwe ngang ewe Samol mi Unusen Manaman üa tinuketo rer.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

1. Korint 3:9

Pun äm aia angangfengen lon ewe angang fän iten Kot, nge ämi än Kot tanipi. Ämi pwal imwen Kot.

2. Korint 3:7

Ekewe Allük ra rup ren mesen mak won ekewe fau mi chöpöp o än Kot ling a pwä lupwen a tori aramas. Inamwo ika saramaramen won mesen Moses a kisikisila, nge a fokun saram pwe ekewe chon Israel resap tongeni nenengeni won mesan. Ika ekewe Allük mi afisätä mäla ra toriir lon ena sokun ling,

Kolose 1:18

I möküren inisin we, iei ewe mwichefel. I popun pwe ewe inis a manau. I Nöün Kot, ewe mwänichi, Kot a amanauasefäli seni mäla, pwe i chök epwe tekia mwen mettoch meinisin.

Ipru 2:9

Nge sia küna Jesus, ewe Kot a föri pwe epwe kis fän ekewe chon läng lon fansoun mochomoch, pwe ren än Kot ümöümöch epwe mäla fänäsengesin aramas meinisin. Iwe, iei sia küna i, pwe a mwärini ling me iteüöch pokiten an riaföü me mäla.

Ipru 3:4

Ewer, iteiten imw aramas ra aüetä, nge Kot ewe mi aüetä mettoch meinisin.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.