Ipru 3:18 - Chuukese Bible

¹⁸ Ngeni iö Kot a pwon fän akapel pwe resap fokun tolong lon ewe fanü ia repwe asösö ie? Sap ir chokewe mi aleasolap?

Ipru 3:18 Iomraidhean Croise

Kölfel 78:22

pun esap wor ar lükülük won Kot, resap pwal lükü an manaman pwe a tongeni amanaueer.

Numperis 14:11

Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?

Numperis 14:23

Esap wor eman leir epwe tolong lon ewe fanü üa pwon fän akapel ngeni ar kewe lewo. Esap fokun wor eman me lein chokewe mi turunufaseei repwe tolong lon ewe fanü.

Numperis 14:30

epwe tolong lon ewe fanü üa pwon fän akapel pwe oupwe fanüeni, chilon chök Kalep nöün Jefune mwän me Josua nöün Nun mwän.

Numperis 14:37

Pokiten ar uwato och pworaus mi mwäl usun ewe fanü, ra mäla ren och mätter fän mesen ewe Samol mi Lapalap.

Numperis 20:12

Nge ewe Samol mi Lapalap a üreni Moses me Aaron, “Pokiten ousap lüküei, ousap pwal apiniöchüei me fän mesen ekewe aramasen Israel, iei mine ousap emwenirelong lon ewe fanü üpwe ngeniir.”

Johannes 3:36

Iö a lükü ewe Nau a eäni manau esemüch. Iö a lükümach ngeni ewe Nau esap eäni ewe manau, pwe än Kot song a nonom won.

Nöün Paulus Toropwe ngeni ekewe Souläng lon Rom 11:30

Iwe, ämi chon lükün Israel oua aleasolap ngeni Kot me lom. Nge iei oua angei än Kot ümöümöch pokiten än ekewe chon Juta aleasolap.

Tuteronomi 9:23

Nge lupwen ewe Samol mi Lapalap a tinikemiila seni Kates-parnea, a ürenikemi pwe oupwe feitä o angei ewe fanü a ngenikemi pwe oupwe fanüeni, ämi oua ü ngeni ewe allük än ewe Samol mi Lapalap ämi we Kot. Ousap lükü i, ousap pwal aleasochisi alon.

Ipru 3:11

Iwe, lon ai song üa pwon fän akapel ngeniir: ‘Resap fokun tolong lon ewe fanü ia üpwe asösöör ie!’”

Ipru 4:11

Iei mine sipwe fokun achocho ach sipwe tolong lon ewe asösö, pwe esap wor eman leich epwe tur usun ir pokiten ar aleasolap.

Ipru 4:2

Pun sia pwal rongorong ewe Pworausen Manau usun chök ir. Ir ra rongorong ewe pworaus, nge resap feiöch ren, pun lupwen ar rongorong, resap etiwa fän ar lükü.

Ipru 4:6

Iwe, chokewe mi akomwen rongorong ewe Pworaus Allim resap tolong lon ewe asösö, pun ra aleasolap. Nge mi wor pwal ekoch a mwümwütä ngeniir pwe repwe tolong lon ewe asösö.