Ipru 3:13 - Chuukese Bible

¹³ Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

Ipru 3:13 Iomraidhean Croise

Än Salomon Fos 28:26

Eman mi püsin apilükülükü, i eman chon tiparoch, nge eman mi apwönüetä än ekewe chon tipachem öüröür epwe manau.

Aisea 44:20

Ei sokun aramas a wewe ngeni eman mi mongö falangen ekkei pwe epwe manau ren. Iwe, ren ekiekin letipan mi rikirik a tokola pwe esap tongeni püsin angasa, esap pwal aisini, “Ifa usun, esap och minen atuputup mine üa amwöchü lepei?”

Opataia 1:3

Lamalamtekian lelukom a atupuketä, en ewe mi nom lon ekewe föimw, ka nom won ekewe leni mi tekia o ekieki lon lelukom, ‘Iö epwe tongeni aturueitiu lepwül?’

Föför 11:23

Iwe, lupwen a tori Antiokia, a küna usun än Kot afeiöchü ekewe aramas, a pwapwa o pese ngeniir, pwe repwe allükülük o let ngeni ewe Samol ren unusen leluker.

Nöün Paulus Toropwe ngeni ekewe Souläng lon Rom 7:11

Tipis a küna eu fansoun mi fich, o ren ewe allük tipis a atupuei o nieila.

Efisos 4:22

Iei mine oupwe likitätiu ekewe föför oua föföri lupwen oua manaueni ewe manauen lom, iei ewe manau a katala ren an kewe mochenia mi atuputup.

1. Tesalonika 2:11

Ämi oua silei pwe aia alisi eman me eman leimi usun chök eman sam a alisi püsin nöün kana.

1. Tesalonika 4:18

Iei mine oupwe echipafengenikemi ren ekei kapas.

1. Tesalonika 5:11

Iei mine oupwe apöchökülafengenikemi o alilisfengen lefilemi, usun oua fen föri iei.

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.

Ipru 13:22

Ämi pwii kana, üa fokun tüngor ngenikemi, pwe oupwe rongorong ngeni ekei kapasen apöchökül fän tipeppos. Pun ei toropwe üa makkei ngenikemi esap langatam.

James 1:14

Nge eman me eman aramas a tori sosotun ren püsin an mochenia mi atekini o pani letipan.